-
Día de presentacións e primeiros adestramentos para os nenos.
Santiago de Compostela, a 26 de Xuño de 2017.
Este luns arrincou o II Campus de Verán da SD Compostela. Os corenta nenos inscritos presentáronse nas Cancelas para comezar a rutina diaria desta semana. Para este primeiro día, os mozos recibiron a visita de Lucas Díaz e Samu Rodríguez, xogadores do primeiro equipo.
De 10 da mañá a 1 da tarde e de 16h a 19h, os pequenos gozaron dos diferentes xogos e actividades promovidas polos monitores do Campus. Os máis mozos realizaron exercicios de contacto de balón, mentres que os máis grandes fixeron adestramentos máis técnicos.
Ao final da mañá, os invitados do día, Lucas Díaz e Samu Rodríguez, estiveron cos nenos contestándolles ás súas intrépidas preguntas, asinándolles autógrafos e compartindo as súas experiencias como futbolistas.
Ademais, sorteouse un balón de errea, xentileza da tenda 4-4-2 Botas, situada en Área Central, na que podemos atopar produtos do club.
