-
O mediapunta, mellor xogador da primeira volta do Compos, renova por unha tempada.
Santiago de Compostela, a 27 de junio.
O Compos pecha a última renovación posible. Tomás Abelleira Dueñas, o único xogador que faltaba por tomar a decisión, renovou co club por unha tempada, sumando o seu segundo ano ás ordes de Yago Iglesias.
Tomás chegou o curso pasado procedente do Pontevedra, deixando, desde o principio, unha gran imaxe na bancada de San Lázaro, á que impresionou coa súa calidade e os seus goles. De feito, foi nomeado polos compostelanistas como o #Jugador5EstrellasCOMPOS da primeira volta do campionato. Con todo, na segunda, unha grave escordadura de nocello, o cal se lesionou no encontro contra o Bergantiños (xornada 28), impediulle seguir demostrando a súa valía.
A importancia de Tomás no once de Yago foi transcendental e así o corroboran os seus números. Dos vinte e oito choques que puido disputar, xogou vinte e seis, perdéndose dous por acumulación de cartóns. En total foron 2028 minutos, nos que anotou sete tantos, ademais de participar en numerosas xogadas de gol
Na aliñación branquiazul, o pontevedrés puido demostrar a súa polivalencia, xa que tanto actuou de mediapunta, a súa posición natural, como en banda, ou mesmo, nalgún encontro, de falso 9.
Coa súa renovación, Manu Castiñeiras concretou a continuidade de trece xogadores para o próximo curso, demostrando a promesa de manter á maior parte do bloque da tempada pasada. A eles sumáronselle, de momento, outros catro futbolistas, para un total de dezasete.
