-
A oferta estará presente ata o 8 de setembro.
Santiago de Compostela, a 7 de Agosto de 2017.
Debido á gran acollida que está a ter a nova campaña de abonos da SD Compostela para esta nova tempada, o club decidiu premiar aos seus seguidores mantendo a oferta de prezos ata o próximo 8 de setembro, é dicir, ata a terceira xornada do campionato.
Deste xeito, todos aqueles que aínda non se fixeron socios dos branquiazuis poderán abonarse ao mesmo prezo que ata agora: 90€ abono xeral, 75€ para desempregados de longa duración, xubilados e estudantes menores de 25, 30€ para menores de 12 a 17 anos e gratis para os menores de doce anos. Ao mesmo tempo, para o palco VIP, o carné custará 250€.
Para facerse socio do club, poderás utilizar a vía clásica, nas oficinas da entidade, de luns a venres de 10h a 13h e de 16h a 21h, ou ben a través da vía online, picando na imaxe que aparece na parte superior do menú de inicio e que ensinamos no principio desta noticia.
Por iso, non esperes máis e faite socio da SD Compostela. Axúdanos a peregrinar cara ao noso soño. Coa túa axuda, todo será máis fácil. Necesitamos que sexas o xogador número doce en San Lázaro. Compostelanízate.
