Santiago de Compostela, a 27 de Outubro 2017.
O xuvenil Nacional buscará retomar unha boa senda cunha vitoria nas Cancelas o sábado. Para iso, terá que superar a un duro rival, como é o Victoria CF, contra o que xogará as 16.30 horas. Pola súa banda, o xuvenil B viaxará ata o Municipal de Rebordelo para enfrontarse ao SR Calo, o sábado ás 16.15 horas.
En canto ao Cadete, tras a avultada derrota contra o líder, quere volver sumar de tres no partido contra o Amio SD, o cal se disputará o domingo ás 12.00 horas no Municipal das Cancelas.
Na categoría infantil, o equipo para xogará no Municipal de Brión contra a UD Bastavales, o sábado ás 11.30 horas, mentres que o B xogará o domingo ás 10.00 horas, en Cancelas, contra a Escola Estrada Fútbol Base.
En alevíns, o A enfrontarase ao La Salle, o sábado ás 10.30 horas en Santa Isabel, e o B ao Conxo, o sábado en Santa Isabel ás 12.30 horas. Por último, o Benxamín tamén xogará tamén no mesmo campo, pero pola tarde, 19.30 horas, contra a ED Xuventude Oroso.
