-
A entidade encargarase da doazón dos premios para os gañadores.
Santiago de Compostela, ao 26 de outubro de 2017.
Por segundo ano consecutivo, a SD Compostela colabora coa Confraría da Humildade no seu Concurso de Debuxos, unha acción na que se pretende que os nenos representen nun debuxo a humildade e a solidariedade.
Enmarcado dentro do acto solidario ‘Humildade pola Solidariedade’, que este curso alcanza a súa sétima edición, os nenos que así o desexen poderá participar de forma gratuíta, os cales serán divididos en tres categorías: 6, 7 e 8 anos, 9 e 10 anos e nenos de 11 e 12 anos. De todas elas, elixirase un só gañador, que será o que formará parte do cartel anunciante do acto. Con todo, os gañadores de cada categoría recibirán un premio, cortesía da nosa entidade.
Para que os debuxos sexan aceptados, como ben se detalla nas bases do concurso, deben ser individuais, realizado nun A3 e entregados nun sobre pechado cos datos do participante.
Os debuxos poderán ser entregados desde o 2 ata o 24 de novembro, ambos os incluídos, na Igrexa Parroquial de San Juan Apóstolo (Vista Alegre), de luns a sábado de 18.00 a 19.30 horas e domingo de 11.00 a 12.30 horas; e en Chimpos S.L., de luns a venres de 10.00 a 13.00 horas e de 17.00 a 20.00 horas. O fallo do xurado darase a coñecer o luns 27 de novembro.
Por último, a Confraría, da man do seu irmán maior David Forján, quixo dar as grazas á Sociedade Deportiva Compostela pola doazón dos premios, así como aos lugares habilitados como punto de entrega dos debuxos.
