Empate na visita ao Couto

12 de Novembro de 2017
Álex Ares anotou o tanto do empate cun golazo desde esta posición. Foto: Amadeo Rey.
Álex Ares anotou o tanto do empate cun golazo desde esta posición. Foto: Amadeo Rey.
  • Santi e Cardeñosa retiráronse lesionados, Rubén tocado.

  • Álex Ares anotou un dos goles da tempada.

Santiago de Compostela, a 12 de Novembro de 2017.

A SD Compostela sumou un novo punto noutro encontro de visitante que estivo marcado polos infortunios en forma de lesións. Aos que xa non estaban dispoñibles, sumáronse as lesións de Cardeñosa e Santi na segunda metade.

O Compos, con máis posesión que os locais, encaixou o primeiro no minuto 23, tanto obra de Edu, pero conseguiu igualar cun golazo de Álex Ares, xusto antes do descanso. Na segunda metade, tivo a vitoria, pero non conseguiu acertar coa meta.

Con cambios no once por obrigación, o Compos saltou ao campo do Couto coa firme intención de levar o peso do partido. O campo grande, aínda que o céspede non estaba nas mellores condicións, axudaba a este estilo de xogo.

Coa posesión, os nosos comezaron a ter aproximacións, pero sen excesivo perigo. Mentres, o Ourense, replegado, buscaba a velocidade das súas puntas para cazar unha contra e así chegaría o seu gol. Centro desde a dereita de Piñeiro ao segundo pau, onde aparecía Edu para rematar de forma excepcional coa cabeza á escuadra.

Con todo, o tanto local espoleó aínda máis aos nosos, que rozarían o empate á media hora de xogo. Nunha xogada elaborada, o balón chegaba a Rubén na frontal, o extremo encaraba ao seu par e soltaba e un tiro que saía rozando o traveseiro. No córner desta xogada, Cardeñosa remataba de cabeza no punto de penalti, pero o seu cabezazo íase ao pau.

E como o gol estaba a roldar, acabou chegando, xusto cando se cumpría o minuto 45. Saro sacaba rápido para Samu, o mediocentro tocaba para Álex Ares e o dez, tras saír de caneo, colocaba o balón na escuadra do segundo pau. Un auténtico golazo.

Co empate, o Compos saíu no segundo tempo máis confiado. Á saída dos vestiarios, o balón era só visitante. A pesar dos infortunios, en forma de lesión de Cardeñosa e Santi Gegunde, as ocasións eran só visitantes. Con todo, nas dúas máis claras, o propio Santi e tamén Sobrido atoparían coa gran reacción de Michi, que sacaba na liña ambos os lanzamentos.

Con todo, os problemas físicos acabaron facendo madeixa nos nosos e ao final do partido custoulles chegar á área rival. Deste xeito, o partido pecharíase cun empate nun campo complicado como o da cidade das Burgas. Outro punto máis para manterse na parte alta da táboa.

FICHA TÉCNICA

1- Ourense CF: Michi; David Antón, Juanma, Germán, Andrade; Pardavila, Galego; Piñeiro (Martín, m.56), Renan, Pedro (Sergio de Paz, m.63); e Edu (Xinzo, m.86).

1- SD Compostela: Lucas; Saro, Cardeñosa (Tomás, m.47), Álvaro Casas, Naveira; Samu, Mon; Sobrido, Álex Ares, Rubén (Róber, m.80); e Santi (Diego Rey, m.69).

Goles: 1-0: Edu, min.23; 1-1: Álex Ares, min.45.

Árbitro: Pastoriza Iglesias, comité coruñés. Amoestou a Galego e Xinzo, polos locais, e a Cardeñosa, Álex Ares e Tomás, polos visitantes.

Incidencias: Partido da décimo quinta xornada de liga de Terceira División disputado no Couto ante 600 espectadores.

Youtube

Instagram Compos

Flickr Amadeo Rey

  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1

Instagram Canteira

Twitter Canteira

Facebook

3 days ago

SD Compostela
👏 @samurodriguez14, #JugadorCincoEstrellas da SD Compostela 23.24 🩵🤍🏆 O capitán, cos votos da afección en Twitter, foi elixido como o xogador máis destacado da tempada, logo de ser fundamental na segunda volta🤝 @futbolmahou 🍻 ... See MoreSee Less
Ver en Facebook

4 days ago

SD Compostela
Hoxe temos de aniversario ao noso míster 🩵🤍🎂 Moitos parabéns, Antón!🙌 Que veña un ano cheo de éxitos e que os desfrutemos xuntos! ... See MoreSee Less
Ver en Facebook

4 days ago

SD Compostela
Nova SEDE dos Campus Xacobeos! Prezo subvencionado para os empadroados en O Pino e Touro grazas ao noso patrocinador Proxecto Touro - Cobre San Rafael#CampusXacobeosOs 𝐦𝐞𝐥𝐥𝐨𝐫𝐞𝐬 𝐂𝐚𝐦𝐩𝐮𝐬, os do 𝐂𝐨𝐦𝐩𝐨𝐬 🩵🤍🙌🏻 Nova sede! Desta vez en 𝐓𝐨𝐮𝐫𝐨, do 8-19 de Xullo!🤝 Grazas a @cobresanrafael, os/as nenos/as empadroados en Touro e O Pino pagarán 30€ polas 2 semanas do #CampusXacobeos✍🏻 Inscríbete na ligazón da nosa bio! ... See MoreSee Less
Ver en Facebook

5 days ago

SD Compostela
Hoxe está de aniversario o noso capitán e candidato ao #JugadorCincoEstrellas, Samuel Rodriguez Noya 🩵🤍🎂 Moitos parabéns, Samu! ... See MoreSee Less
Ver en Facebook

All contents © copyright SD Compostela. All rights reserved.