[cs_video column_size=”1/1″ video_url=”https://youtu.be/hj9tsAFRshQ” video_width=”500″ video_height=”250″][/cs_video]
-
Cardeñosa e Alberto son baixa, Primo saberá mañá se recibe o alta.
-
O Negreira chega tras vencer ao Barbadás.
Santiago de Compostela, ao 16 de novembro de 2017.
A SD Compostela ten un obxectivo: volver demostrar a forza que ten o fortín de San Lázaro. Os xogadores queren demostrar a mellor das súas versións no campo que mellor se adapta ás súas condicións e facer gozar a unha afección que está a ser un apoio enorme neste comezo de campionato.
Por esta razón, Yago Iglesias, en rolda de prensa, quixo facer un chamamento a todos os afeccionados branquiazuis. “Gustaríame que nos animasen como nas últimas semanas. O equipo sentiuse moi arroupado ante o Arosa e teñen ese sabor moi doce da afección dese día. Gustaríanos que nos animen así sempre, sexan os resultados positivos, que é o que queremos, ou non”, asegura o técnico. Así, comenta que o grupo desexa darlle un bo espectáculo ao público para agradecer ese ánimo e que se vaian contentos ás súas respectivas casas.
Ademais, o equipo quere sumar os tres puntos para manterse no alto da táboa. “O liderado foi algo anecdótico, non é algo que nos quite o sono, o importante é estar no vagón dos catro primeiros e chegar o máis arriba posible en maio”, explica o adestrador ribeirense.
Para iso, o corpo técnico non poderá contar con Cardeñosa, lesionado cunha rotura de fibras, nin con Alberto Freire, que aínda non se recuperou da súa escordadura de xeonllo. Será dúbida tamén Primo, quen pasará mañá unha proba para saber se recibe o alta deportiva.
Outro factor contra o que se teñen que medir é a confianza dos conxuntos rivais. “O rival está a vir coa moral alta e esta semana exemplo moi claro”, di Yago. “Do mesmo xeito que contra ao Noia, é un equipo de abaixo que vén de coller confianza e que non ten nada que perder, algo que o converte nun conxunto moi perigoso”, advirte.
A maiores, a SD Negreira conta con “tres ou catro xogadores con experiencia na categoría, como Cea, Capelo, Rodri ou Quintairos, quen podería estar en equipos da parte alta, pero cando o colectivo non funciona, é difícil”, analiza o técnico branquiazul.
Por último, o feito de que o partido se emita pola televisión, segundo cita Yago, é un punto engadido para todos. Por iso, espera que os nosos revertan a situación e dean a mellor versión. Co público animando, o obxectivo estará un pouco máis preto.
