Santiago de Compostela, ao 16 de novembro de 2017.
Coa intención de superar os tres triunfos de xornadas pasadas, nun fin de semana no que o Alevín B e o Benxamín regresan á competición, as categorías inferiores arrincan uns partidos apaixonantes.
O xuvenil de Liga Nacional quere romper dunha vez con todas coa súa mala serie, aínda que o calendario non lle favorece. Tras xogar contra o Celta B, o rival agora será o Ural CF, conxunto que lidera a clasificación. O encontro xogarase o sábado ás 16.15 horas en Elviña Grande ( A Coruña).
Pola súa banda, o xuvenil B quere repetir o triunfo contra o Dubra e para iso enfrontarase ao Vitoria FC, o sábado ás 18.00 horas no campo da Mercé, Conxo.
Tamén quere repetir a suma de tres puntos o Cadete, quen se enfrontará ao sempre complicado Xuventu Aguiño, o domingo ás 11.00 horas no campo local da Tasca.
En categoría infantil, o primeiro equipo xogará tamén contra o Vitoria FC, pero no seu caso, o domingo ás 9.00 horas nas Cancelas. Pola súa banda, o equipo de Segunda Infantil viaxará para mediarse ás Escolas Deportivas do Arzúa, en O Viso, o sábado ás 16.00 horas.
En alevíns, o A enfróntase ao Compañía de María, o sábado ás 10.30 en Santa Isabel, mentres que o B, que regresa á liga na que marcha terceiro, farao dúas horas máis tarde, 12.30 horas, contra o Vitoria FC.
Por último, o Benxamín xogará contra o Santiago, o sábado ás 11.30 horas nas Cancelas.
