Incrible vitoria do líder cun Primo excepcional

7 de Xaneiro de 2018
Momento do saúdo inicial entre ambos conxuntos.
Momento do saúdo inicial entre ambos conxuntos.
  • O dianteiro cántabro anotou un hat trick e xa leva 11 goles en Liga.

  • O Compos amplía a diferenza co Silva a oito puntos.

Santiago de Compostela, a 7 de Xaneiro de 2018.

Novo ano pero iguais sensacións. A SD Compostela segue imparable na súa andaina pola Terceira División e este domingo non fixo máis que referendalo. O equipo branquiazul superou por 1-3 ao Club Silva SD, cuarto clasificado ata a data e que só perdera un partido no difícil campo da Grela 1.

Un hat trick de Primo, que xa suma 11 goles no que vai de tempada, serviulle ao Compos para sumar tres novos puntos que o afianzan no alto da táboa con 45, oito máis xa que o rival desta mañá.

A SD Compostela desta tempada ten outra cara fóra da casa respecto do curso pasado. O equipo branquiazul séntese ben nos partidos disputados en campos pequenos. A partir dunha gran seriedade defensiva, aproveita a calidade dos homes de ataque para sacar goles que complican a vida aos conxuntos locais.

Na Grela 1, a pesar de non contar nin con Uña nin con Mon, dous xogadores excepcionais para este tipo de encontros, e enfrontarse a un duro rival como é o Club Silva SD, o  Compos saíu coas ideas moi claras e coa firme intención de sacar un resultado positivo.

Así, nada máis comezar o encontro, Samu tería a primeira cun disparo desde a frontal que saíu rozando o pau da portería local. A esta ocasión reaccionaron os locais cunha boa volea de Cañi que sacou Lucas a córner, pero sería un espellismo, xa que á media hora chegaba o primeiro tanto do encontro.

Contraataque perfecto dos nosos que guiou Álex Ares, abriu á banda dereita para Samu, o mediocentro centrou para a entrada de Primo e o cántabro, tras regatear a David Gómez, marcaba a pracer.

O tanto era a rúbrica ás intencións do Compos e con el tranquilizou o final do primeiro período. Neses últimos minutos, ningún dos dous porteiros tivo que empregarse e así se chegou ao tempo de descanso.

Á volta dos vestiarios mantívose a tónica dos últimos compases da primeira. As ocasións eran escasas e, deste xeito, a primeira a citar foi unha caída de Primo dentro da área que reclamaron moito os nosos pero que a colexiada non sinalou.

Esta tranquilidade aparente rompeuse en dous minutos de tolemia. No 70, tras roubo de balón, Tomás avanzou, abriu para Róber, quen chegou ata a liña de fondo e centrou de forma excepcional para a entrada de Primo para que empuxase o esférico ao fondo da rede. Con todo, responderon de inmediato os locais, recortando diferenzas no marcador cun bo remate de Movilla.

Este tanto local non inquietou aos santiagueses e así foi como un Primo en estado de graza, tras rematar primeiro fóra no segundo pau, non perdoaría á segunda. Samu botou a falta, Tomás peiteouna e o dianteiro cántabro apareceu para mandar de novo o balón ao fondo da rede, pechando así o seu particular hat trick. Foi a sentenza.

Ata o final o equipo branquiazul xa non pasaría ningún tipo de perigo, favorecidos tamén pola expulsión por dobre amoestación de Toni Insúa, certificando deste xeito unha nova vitoria lonxe de San Lázaro, a oitava.

Con 45 puntos, o Compos afiánzase no alto da táboa clasificatoria e xa pensa no rival do próximo domingo, o CD Ribadumia, nun encontro que volverá disputarse na matinal do domingo, esta vez coas cámaras da TVG emitíndoo.

FICHA TÉCNICA

1- Club Silva SD: David Gómez; Toni Insúa, Lucas, Brais Lema, Jacobo (Pedrito, m.75); Michi Leal, Diego; Cañi, Real (Joao Paulo, m.55), Kata; e Movilla (Álex Matos, m.83).

3- SD Compostela: Lucas; Sergio Pereira, Cardeñosa, Álvaro Casas, Naveira; Samu, Tomás (Rubén, m.88); Róber, Santi (Alberto, m.77), Álex Ares; e Primo (Sobrido, m.85).

Goles: 0-1: Primo, min.30; 0-2: Primo, min.70; 1-2: Movilla, min.72; 1-3: Primo, min.80.

Árbitro: Casal Fernández, colexio pontevedrés. Expulsou a Toni Insúa por dobre amarela. Ademais, amoestou a Michi Leal, Cañi, Joao Paulo, Pedrito e Álex Matos, polos locais e a Cardeñosa e Santi Gegunde, polos visitantes.

Incidencias: Partido da vixésima xornada de Liga de Terceira Division disputado no campo da Grela 1 ante 500 espectadores. Gran afluencia de público desde Santiago.

Youtube

Instagram Compos

Flickr Amadeo Rey

  • PONTEVEDRA- 3 COMPOSTELA- 0
  • PONTEVEDRA- 3 COMPOSTELA- 0
  • PONTEVEDRA- 3 COMPOSTELA- 0
  • PONTEVEDRA- 3 COMPOSTELA- 0
  • PONTEVEDRA- 3 COMPOSTELA- 0
  • PONTEVEDRA- 3 COMPOSTELA- 0

Instagram Canteira

Twitter Canteira

Facebook

1 day ago

SD Compostela
🎙️ 𝐑𝐝𝐏 | 𝐌𝐢𝐜𝐡𝐞𝐥 𝐀𝐥𝐨𝐧𝐬𝐨 🗣️ PREVIA do encontro deste domingo, ás 12.00 horas no Vero Boquete, ante o Real Oviedo Vetusta!!!🩵🤍 Hoxe acompañounos na rolda de prensa Fernando Leis, de O Pan de Leis, patrocinador do encontro!#composvetusta ... See MoreSee Less
Ver en Facebook

2 days ago

SD Compostela
𝐏𝐀𝐑𝐓𝐄 𝐌𝐄𝐃𝐈𝐂𝐎𝐏𝐚𝐛𝐥𝐨 𝐀𝐧𝐭𝐚𝐬 🩵🤍👨‍⚕️ As probas realizadas a Pablo Antas polos servizos médicos confirmaron unha microrotura no músculo semitendinoso da súa coxa dereitaEstará de baixa dúas semanas!Moito ánimo, Pablo 💪 ... See MoreSee Less
Ver en Facebook

3 days ago

SD Compostela
🟥 𝐒𝐀𝐍𝐂𝐈𝐎𝐍𝐒1⃣ partido de suspensión para Pato e Álvaro Casas polas súas expulsións1⃣ partido tamén para Pep Caballé e Juampa Barros por acumulación de tarxetas 🟨 ... See MoreSee Less
Ver en Facebook

3 days ago

SD Compostela
🟥 𝐒𝐀𝐍𝐂𝐈𝐎𝐍𝐒1⃣ partido de suspensión para Pato e Álvaro Casas polas súas expulsións1⃣ partido tamén para Pep Caballé e Juampa Barros por acumulación de tarxetas 🟨 ... See MoreSee Less
Ver en Facebook

3 days ago

SD Compostela
Onte estivo de aniversario o noso mariscal na zaga, Euse Monzó!!! 🩵🤍🎂 Moitos parabéns, Euse!!! 💪 Que veñan acompañados de moitos éxitos e que os celebremos xuntos!!!📸 Fílmate Estudio Fotográfico y Audiovisual | Jesús Figueroa ... See MoreSee Less
Ver en Facebook

All contents © copyright SD Compostela. All rights reserved.