A mala fortuna condena ao Compos en Areas

25 de Febreiro de 2018

Momento do tanto de cabeza de Diego Rey. Foto: Diego Rey.Momento do tanto de cabeza de Diego Rey. Foto: Diego Rey.

  • O Compos dominou o partido pero non foi capaz de superar a gran defensa local.

  • O encontro acabou con polémica e con tres expulsados no banco.

Santiago de Compostela, a 25 de febreiro de 2018.

Segundo tropezón de maneira consecutiva. O Compos viaxaba ao difícil campo da Lomba coa intención de quitarse a espiña do domingo pasado, pero non foi capaz de superar a un gran Cultural Areas, que aproveitou as súas escasas ocasións para levar os tres puntos.

Obama e Mintegui adiantaron aos locais por dúas veces, superando o tanto de Diego Rey para os nosos. Na segunda parte, os santiagueses anotarían outro gol pero o colexiado, a instancias do seu linier, anulouno por fóra de xogo.

O partido en Areas xa comezou con mal pé. Os locais, no seu primeiro córner, aproveitaron o gran centro para adiantarse no marcador. Obama alzouse entre todos os xogadores e anotou o primeiro tanto do encontro.

Con todo, o gol non cambiou o estilo visitante. O Compos, co balón, tentou chegar á portería, nun campo que non estaba nas súas mellores condicións. Primeiro, perdoou Primo no man a man contra Sergio, pero á segunda, os nosos xa non perdoaron.

Sergio Pereira centrou desde a banda e Diego Rey, saltando de cabeza no punto de penalti, marcou o empate cun gran testarazo.

O partido volvía á súa canle, pero a fortuna volveu sorrir aos pontareanos con outra diana na súa segunda aproximación á área, case chegando ao minuto 45. Un centro lateral dos locais era rematado ao fondo das mallas por Quico Mintegui. O dianteiro centro superaba a Lucas cun gran remate.

Con vantaxe no marcador para o Areas iríase o encontro ao descanso. Á volta dos mesmos, o Compos seguiu co seu plan de xogo, pero non atopou a meta nas súas continuas incursións na área.

Si acertaron a quince minutos para o final, pero o colexiado, a instancias do seu linier, anulou o tanto do empate para os visitantes. A polémica non acabou nesta xogada, xa que no desconto, o árbitro decidiu non sinalar nada ante a caída dun dos nosos dentro da área. A xogada foi moi protestada e por estas recriminacións acabarían expulsados Manu Castiñeiras e Álex Otero, que se unían a David Uña, ao que lle sacaran o cartón vermello por protestar o gol anulado.

Con este segundo tropezo, o Compos ve como o Bergantiños lle iguala na táboa, pero aínda quedan moitos encontros por diante para recuperar a boa senda. Para comezar, a próxima fin de semana tocará superar un gran reto contra a UD Somozas.

FICHA TÉCNICA:

2- CDC Areas: Sergio; Adi, Iván, Obama, Isi; Telmo, Ross; Canhoto (Mape, m.89), Yelco, Jorge Fernández (Dani, m.65); e Quico Mintegui (Rober Pastoriza, m.79).

1: SD Compostela: Lucas; Sergio, Cardeñosa, Casas, Naveira; Mon (Ube, m.63), Tomás; Santi (Rubén, m.75), Diego Rey (Álex Ares, m.53), Róber; e Primo.

Goles: 1-0: Obama, min.3; 1-1: Diego Rey, min.33; 2-1: Quico Mintegui, min.38.

Árbitro: Abel Bruzos, colexio lucense. Amoestou a Canhoto e Yelco, polos locais; e a Sergio Pereira, Tomás Abelleira, Primo, Mon, Ube, Róber e Rubén, polos visitantes. Ademais, expulsou no banco a David Uña (m.80), Manu Castiñeiras (m.89) e Álex Otero (m.89).

Incidencias: Partido da vixésimo sétima xornada de Liga da Terceira División disputado no campo municipal da Lomba ante 500 espectadores. Gran afluencia de seguidores branquiazuis.

Youtube

Instagram Compos

Flickr Amadeo Rey

  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1

Instagram Canteira

Twitter Canteira

Facebook

20 hours ago

SD Compostela
🙌 𝐅𝐈𝐂𝐇𝐀𝐗𝐄 🩵🤍💪 Santi de Prado está de volta! A SD Compostela 24.25 refórzase cun correcamiños para a banda⚽️ Regresa ao Compos para seguir co seu crecemento tras unha sensacional campaña na UD Ourense 𝐒𝐚𝐧𝐭𝐢 𝐝𝐞 𝐏𝐫𝐚𝐝𝐨 🩵🤍✍️ sdcompostela.com/2024/06/20/santi-de-prado-fichaje-sd-compostela/#benvidosantideprado ... See MoreSee Less
Ver en Facebook

2 days ago

SD Compostela
🙌 𝐑𝐄𝐍𝐎𝐕𝐀𝐂𝐈𝐎́𝐍 🩵🤍💪 Gonzalo Landeira ascende ao primeiro plantel do Compos para a Tempada 24.25⚽️ O mediocentro da Canteira Picheleira amplía tamén o seu contrato ata 2025𝐋𝐚𝐧𝐝𝐞𝐢𝐫𝐚 🩵🤍✍️ sdcompostela.com/2024/06/19/landeira-canteira-picheleira-compos/#gonzalolandeira2025 ... See MoreSee Less
Ver en Facebook

3 days ago

SD Compostela
🙌 𝐅𝐈𝐂𝐇𝐀𝐗𝐄 🩵🤍💪 Rabanillo, un seguro baixo paus para a portería da SD Compostela ⚽️ O experimentado porteiro, que ven de realizar un gran ano no Club Deportivo Guijuelo, firma por unha tempada𝐑𝐚𝐛𝐚𝐧𝐢𝐥𝐥𝐨 🩵🤍✍️ sdcompostela.com/2024/06/18/rabanillo-fichaje-portero-compos-2425/#benvidorabanillo ... See MoreSee Less
Ver en Facebook

4 days ago

SD Compostela
🙌 𝐅𝐈𝐂𝐇𝐀𝐗𝐄 🩵🤍💪 Manu Rivas regresa ao Compos para a Tempada 24.25⚽️ O canteirán branquiazul seguirá coa súa gran proxección no Compos tras destacar no Atlético Arteixo𝐌𝐚𝐧𝐮 𝐑𝐢𝐯𝐚𝐬 🩵🤍✍️ sdcompostela.com/2024/06/17/manu-rivas-canterano-vuelve-compos/#benvidomanurivas ... See MoreSee Less
Ver en Facebook

6 days ago

SD Compostela
🙌 DOUS DOS NOSOS 🩵🤍💪 Álvaro Casas e Pablo Antas seguirán na Tempada 24.25⚽️ Será a 8ª e 6ª campaña, respectivamente, dos dous capitáns do Compos ✍️ sdcompostela.com/2024/06/15/alvaro-casas-pablo-antas-compos-2025/#álvarocasas2025 #pabloantas2025 ... See MoreSee Less
Ver en Facebook

All contents © copyright SD Compostela. All rights reserved.