-
O equipo biberón do Compos debutará en competición.
Santiago de Compostela, a 5 de Abril de 2018.
O parón de Semana Santa non foi do todo completo para as categorías inferiores da SD Compostela. Algúns conxuntos tiveron que disputar partidos atrasados ou participaron en torneos, pero a sensación xeral é que os mozos están a desexar volver pisar o terreo de xogo para practicar o deporte que máis lles gusta. Todos os equipos xogarán entre o sábado e domingo, destacando o debut do equipo biberón, formado neste último mes.
En primeiro lugar, o xuvenil de Liga Nacional terá que render visita ao líder, o Celta B, nun encontro que se xogará na Madroa o sábado ás 18.30 horas. Pola súa banda, o xuvenil B enfrontarase ao Vitoria FC o sábado ás 16.00 horas no Municipal do Sergas.
O equipo cadete desprazarase ao campo da Barrosa, Villestro, para medirse como local ao SD Xuventú Aguiño, o domingo ás 12.45 horas.
En infantís, o A xogará tamén contra o Vitoria FC no Sergas, pero o sábado ás 12.45 horas, mentres que o B xogará contra o Amio en Conxo ás 9.30 horas.
O Amio será tamén o rival de ambos os alevíns. O A enfrontarase a eles o sábado ás 11.00 horas en Cancelas e o B o luns ás 18.30 horas no mesmo campo.
O benxamín xogará de local contra o Conxo, o sábado ás 15.00 horas en Cancelas, e, por último, o equipo biberón debutará contra a SD Villestro, o domingo ás 11.30 horas no campo de Belvís.
