O primeiro posto, un paso máis preto

1 de Maio de 2018
Momento do golpeo de Primo no segundo gol, nun partido patrocinado por Mahou. Foto: Amadeo Rey.
Momento do golpeo de Primo no segundo gol, nun partido patrocinado por Mahou. Foto: Amadeo Rey.
  • O Compos gañou ao Villalonga FC por 2-0 cos tantos de Rubén e Primo

  • Falta un punto para certificar o liderado

Santiago de Compostela, a 1 de Marzo de 2018.

Nova vitoria clara do Compos en San Lázaro. Os branquiazuis dominaron o encontro contra o Villalonga de principio a fin e conseguiron o tres puntos por 2-0. Os santiagueses non notaron o cansazo da última xornada e souberon sacar este resultado ante un conxunto que se encerrou atrás para evitar as acometidas locais.

Rubén na primeira parte, cun tiro cruzado tras roubar o balón, e Primo na segunda, tras un golpeo forte á escuadra, foron os goleadores dun Compos que puido aumentar a renda no segundo tempo, pero Marcos evitou a goleada.

O Compos saltou a San Lázaro con moitos cambios respecto ao sábado pasado, tal como adiantou Yago Iglesias en rolda de prensa, pero a idea de xogo non cambiou. Desde un comezo, os nosos levaron o dominio do encontro a través da posesión.

O Villalonga estaba encerrado e os branquiazuis movían o balón en busca do espazo necesario para atopar o gol. Con este estilo, as ocasións comezaron a chegar, aínda que sen o perigo doutras veces. Nas máis claras, Álex Ares e Primo non atoparon rematador no pase da morte. Si atopou Saro a Tomás, nunha xogada similar, pero o pontevedrés mandou o balón arriba.

Con todo, o asedio sería máis forte pasada a media hora. Primeiro, Primo caeu na área pero o colexiado non sinalou nada e cinco máis tarde, por fin chegou o tanto. O balón quedou morto tras un despexe, Rubén recolleuno antes que os centrais, avanzou con velocidade e cruzou a pelota ao segundo pau para adiantar aos santiagueses no marcador.

Coa vantaxe foise ao descanso e á volta dos vestiarios a tónica seguiu igual, un equipo dominador e outro encerrado atrás. Aos tres minutos, Primo tivo o segundo nun disparo desde a frontal, pero Marcos, inédito ata ese instante, fixo un paradón.

Con todo, xa non puido facer nada na seguinte acción que o dianteiro entrou na área. Rubén chegou a liña de fondo, centrou raso, Ube non rematou en primeira instancia, pero Primo, detrás del, controlou e mandou o balón á escuadra.

O Compos, tras o segundo tanto, seguiu asediando e puido anotar o terceiro nun tiro de Alberto Freire, que entrou por Ube, que sacou Marcos cunha gran man abaixo e noutro man a man de Primo, que o dianteiro mandou ao lateral da rede.

Cos cambios, o partido perdeu ritmo aínda que o Compos puido marcar nun dobre tiro de Santi que golpeou na defensa ou nun golpeo de Rubén, tras roubar o balón, que se marchou rozando o pau.

Con este resultado, o Compos acumula unha nova xornada sumando de tres, outra en San Lázaro sen encaixar e a un punto de certificar o primeiro posto, seguinte obxectivo marcado polos branquiazuis. O vindeiro domingo ás 18.00 horas, os nosos esperan contar con todo a súa afección para lograr este reto.

FICHA TÉCNICA:

2- SD Compostela: Lorenzo; Saro, Cardeñosa, Álvaro Casas, Sergio Pereira; Ube (Alberto, m.59), Mon; Álex Ares (Róber, m.75), Tomás (Santi, m.75), Rubén; e Primo.

0- Villalonga FC: Marcos; Nico, Jose, Adrián Santos, Rey; Rocha, Mou (David, m.83); Diego (Guillermo, m.62), Hugo Pintos, Javichu; e Brian.

Goles: 1-0: Rubén, min.36; 2-0: Primo, min.58.

Árbitro: López Fernández, comité lucense. Amoestou a Ube e a Tomás, polos locais; e a Rey, polos visitantes.

Incidencias: Partido da trixésimo sexta xornada de liga da Terceira División disputado no Estadio de San Lázaro ante 950 espectadores.

Youtube

Instagram Compos

Flickr Amadeo Rey

  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1

Instagram Canteira

Twitter Canteira

Facebook

2 days ago

SD Compostela
👏 @samurodriguez14, #JugadorCincoEstrellas da SD Compostela 23.24 🩵🤍🏆 O capitán, cos votos da afección en Twitter, foi elixido como o xogador máis destacado da tempada, logo de ser fundamental na segunda volta🤝 @futbolmahou 🍻 ... See MoreSee Less
Ver en Facebook

2 days ago

SD Compostela
Hoxe temos de aniversario ao noso míster 🩵🤍🎂 Moitos parabéns, Antón!🙌 Que veña un ano cheo de éxitos e que os desfrutemos xuntos! ... See MoreSee Less
Ver en Facebook

3 days ago

SD Compostela
Nova SEDE dos Campus Xacobeos! Prezo subvencionado para os empadroados en O Pino e Touro grazas ao noso patrocinador Proxecto Touro - Cobre San Rafael#CampusXacobeosOs 𝐦𝐞𝐥𝐥𝐨𝐫𝐞𝐬 𝐂𝐚𝐦𝐩𝐮𝐬, os do 𝐂𝐨𝐦𝐩𝐨𝐬 🩵🤍🙌🏻 Nova sede! Desta vez en 𝐓𝐨𝐮𝐫𝐨, do 8-19 de Xullo!🤝 Grazas a @cobresanrafael, os/as nenos/as empadroados en Touro e O Pino pagarán 30€ polas 2 semanas do #CampusXacobeos✍🏻 Inscríbete na ligazón da nosa bio! ... See MoreSee Less
Ver en Facebook

3 days ago

SD Compostela
Hoxe está de aniversario o noso capitán e candidato ao #JugadorCincoEstrellas, Samuel Rodriguez Noya 🩵🤍🎂 Moitos parabéns, Samu! ... See MoreSee Less
Ver en Facebook

All contents © copyright SD Compostela. All rights reserved.