Santiago de Compostela, a 12 de Xuño de 2018.
A SD Compostela e o Concello de Santiago colaboraron para que os afeccionados branquiazuis teñan facilidades para asistir este domingo ás 12.00 horas ao partido de ida da Final do Playoff de Ascenso á Segunda B, que se disputará no Estadio Helmántico de Salamanca.
Así, nas oficinas do club, os interesados poderán comprar a entrada para o encontro xunto coa viaxe, subvencionado por ambas entidades. O prezo para adulto é de 20 € e para menores de 10 € e nel inclúese o traxecto de ida e volta, así como a entrada ao duelo.
Poden unirse a esta viaxe tanto socios coma non socios e habilitaranse os autocares que fagan falta para levar a todos os interesados. A saída será ás 5.00 horas do domingo desde San Lázaro e a volta ao remate do partido.
Ademais, nas propias oficinas, os nosos seguidores tamén poderán comprar a entrada para o encontro do Helmántico. O prezo é de 10 € para adultos e gratis para menores de idade. Estes prezos só se poden conseguir en Santiago, despois do acordo asinado entre ambos clubs. No Estadio da cidade charra, as entradas custarán o dobre.
Para adquirir ambas ofertas, sexa autobús e entrada ou só a entrada, os afeccionados deben facelo o xoves e o venres, de 10.00 a 13.00 horas e de 16.00 a 19.00 horas.
Ese mesmo día tamén teremos xa á venda as entradas para o partido de volta de San Lázaro, que se disputará o domingo 24 ás 19.00 horas.
