-
O mediapunta de 21 anos xogou a pasada tempada no CD Ribadumia
Santiago de Compostela, a 29 de Xuño de 2018.
Jose Filgueira Pazos é a primeira fichaxe da SD Compostela para a tempada 18-19. O futbolista de Bueu, de 21 anos, firma por un curso coa entidade branquiazul, coa que tentará dar outro salto máis na súa carreira deportiva.
O xogador chega procedente do CD Ribadumia, onde a tempada pasada participou nun total de 33 partidos, 31 deles de titular. No seu segundo ano en categoría sénior, Josiño Filgueira superou os 2.700 minutos de xogo, nos que anotou oito goles e axudou a que o seu club terminase nunha cómoda posición na táboa.
Anteriormente, Jose Filgueira, que pode actuar tanto por dentro como por fóra na zona de tres cuartos, pasou a profesionais no Villalonga FC, cos que callou un gran curso no equipo revelación da Terceira Galega. A nivel individual, disputou 32 partidos, 25 no once inicial, e anotou 5 tantos.
Canteirán do Pontevedra CF e do RC Deportivo, responde as características do proxecto branquiazul, creado hai dous anos para peregrinar cara a un soño. Xogador novo, cunha enorme proxección e que destaca pola súa habilidade co balón, a súa gran calidade, con último pase, dinámico e versátil, xa que pode xogar por dentro ou por banda.
Con Josiño, son sete os xogadores que xa teñen contrato para a próxima campaña. O xogador de Bueu únese a Sergio Pereira, Álvaro Casas, Naveira, Mon Vives, Alberto Freire e Ube.
