-
A SD Compostela venceu á Polvorín FC por 2-0 cos goles de Santi e Piscu
Santiago de Compostela, a 26 de Agosto de 2018.
A SD Compostela xa suma de tres nesta nova tempada. No debut en San Lázaro, os nosos sacaron unha clara vitoria por 2-0 ante a Polvorín FC cos tantos de Santi Gegunde, na primeira metade, e Piscu, na segunda.
A afección branquiazul, que viu por primeira vez aos seus no fortín santiagués, puido gozar dun equipo que segue a liña do ano pasado. Algunhas caras novas no once titular, pero unha idea continuísta que segue triunfando en Galicia.
Na primeira metade, o Compos saíu a por todas e creou boas ocasións desde o inicio. Primeiro avisou Brais Abelenda, nada máis arrincar o choque, e o gol acabou chegando no minuto 22. Os nosos armaron unha gran contra de área a área, na que o balón avanzou rapidamente e acabou chegando na área pequena a Santi Gegunde, tras asistencia de Marcos Remeseiro, para que a empuxase ao fondo das mallas.
Pese ao tanto, os santiagues puideron aumentar a vantaxe no último cuarto de hora cunha vaselina de Brais Abelenda que saíu rozando o pau e outro golpeo de Santi desde a frontal que tamén se foi por poucos centímetros.
Na segunda, a tónica seguiu igual e Cacharron tivo que lucirse para sacar senllos mans a mans de Miki e Brais Abelenda. Con todo, no 75, o meta lucense xa non puido facer nada ante o remate inapelable de Piscu á saída dun córner. De novo, Marcos Remeseiro puxo o centro e o central, entrando desde atrás, cabeceou picado o balón para sentenciar o choque.
Gran triunfo dun Compos que xa convence e que alegrou aos afeccionados que asistiron nesta calorosa tarde a San Lázaro. Foi un gran inicio para un proxecto continuísta.
Ficha técnica:
2- SD Compostela: Lorenzo; Sergio Pereira, David Uña, Piscu, Naveira; Mon, Marcos Remeseiro (Josiño, m.84); Miki (Aythami, m.68), Álex Ares, Brais Abelenda; e Santi (Ube, m.78).
0- Polvorín FC: Cacharrón; Varo, Matías, Óscar Rivas (Quezada, m.58), Pablo Rey; Luis, Marcos (Escobar, m.73); Rayco, Javi Rey, Morais (Juan, m.58); e Cuadrado.
Goles: 1-0: Santi, min.24; 2-0: Piscu, min.75.
Árbitro: González Franco, colexio ferrolano. Amonestó a Piscu, polos locais; e a Matías e Escobar, polos visitantes.
Incidencias: Partido da primeira xornada de liga da Terceira División disputado en San Lázaro ante 750 espectadores.
