O Compos pon en marcha ‘Compostec’, a súa primeira escola de tecnificación

30 de Xaneiro de 2019

Compostec

  • O club está a piques de pechar un patrocinador que becará a 24 nenos e nenas na Escola

  • O proxecto enmárcase dentro da aposta da entidade pola canteira

  • Iván Carril, ex-futbolista profesional e adestrador da base, será o director

Santiago de Compostela, a 30 de Xaneiro de 2019.

A Sociedade Deportiva Compostela poñerá en marcha este próximo mes de febreiro ‘Compostec’, a súa primeira escola de tecnificación. Este proxecto, pioneiro na comarca, é un paso máis na aposta do club pola canteira, cuxo obxectivo a medio prazo é que xogadores de Santiago e comarca poidan ser o alicerce fundamental do primeiro plantel.

Compostec’ busca, fundamentalmente, a mellora da técnica individual, a ampliación da creatividade e a capacidade de decisión dos nenos e nenas, así como acentuar as características propias de cada un, todo dentro dun marco divertido, saudable e de diversión. O programa de formación preparará aos xogadores de acordo coas diferentes posicións do campo: porteiros, defensas, medios e dianteiros; traballando as habilidades técnicas específicas de cada unha.

O director da Escola será Iván Carril Regueiro, ex-xogador de equipos como o RC Deportivo ou o Pontevedra e con ampla experiencia no fútbol profesional de países como Austria, Grecia ou Nova Zelandia. Ademais, Carril, adestrador nacional nivel 3, é o actual adestrador do Cadete A da SD Compostela.

A primeira sede de ‘Compostec’ será o campo de fútbol Novo do Doce, en Padrón, e tratará de dar servizo tanto a pequenos e pequenas de Santiago, como aos dos arredores e das comarcas próximas do Barbanza, Tabeirós e Deza.

Esta escola de tecnificación, cuxo inicio da actividade está programado para a semana próxima, será a primeira das varias que ten previsto crear o club no futuro.

Ademais, ‘Compostec’ contará tamén cunha escola de porteiros, aberta para gardametas de calquera idade. Os seus grupos de ensino serán de entre 4 e 6 arqueiros, tutelados en todo momento por adestradores de porteiros con ampla experiencia. A súa posta en marcha será inmediata, simultánea ao do resto da Escola.

Por último, o club está próximo a pechar un acordo cun patrocinador para a Escola, quen becará anualmente a 24 nenos e nenas, que poderán obter todos os servizos de forma gratuíta. A súa elección, entre os menores de 16 anos, levarase a cabo a través dunha comisión creada para o efecto, da que formarán parte, entre outros, o director deportivo do club, Manuel Castiñeiras, e algún representante da entidade patrocinadora.

Todas aquelas persoas interesadas en ‘Compostec’ poderán obter máis información nas oficinas do club (luns a venres, de 10.00 a 13.00 horas e de 16.00 a 20.00), tanto de maneira presencial como a través do teléfono fixo (981 57 70 41).

Youtube

Instagram Compos

Flickr Amadeo Rey

  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1

Instagram Canteira

Twitter Canteira

Facebook

2 days ago

SD Compostela
👏 @samurodriguez14, #JugadorCincoEstrellas da SD Compostela 23.24 🩵🤍🏆 O capitán, cos votos da afección en Twitter, foi elixido como o xogador máis destacado da tempada, logo de ser fundamental na segunda volta🤝 @futbolmahou 🍻 ... See MoreSee Less
Ver en Facebook

2 days ago

SD Compostela
Hoxe temos de aniversario ao noso míster 🩵🤍🎂 Moitos parabéns, Antón!🙌 Que veña un ano cheo de éxitos e que os desfrutemos xuntos! ... See MoreSee Less
Ver en Facebook

3 days ago

SD Compostela
Nova SEDE dos Campus Xacobeos! Prezo subvencionado para os empadroados en O Pino e Touro grazas ao noso patrocinador Proxecto Touro - Cobre San Rafael#CampusXacobeosOs 𝐦𝐞𝐥𝐥𝐨𝐫𝐞𝐬 𝐂𝐚𝐦𝐩𝐮𝐬, os do 𝐂𝐨𝐦𝐩𝐨𝐬 🩵🤍🙌🏻 Nova sede! Desta vez en 𝐓𝐨𝐮𝐫𝐨, do 8-19 de Xullo!🤝 Grazas a @cobresanrafael, os/as nenos/as empadroados en Touro e O Pino pagarán 30€ polas 2 semanas do #CampusXacobeos✍🏻 Inscríbete na ligazón da nosa bio! ... See MoreSee Less
Ver en Facebook

3 days ago

SD Compostela
Hoxe está de aniversario o noso capitán e candidato ao #JugadorCincoEstrellas, Samuel Rodriguez Noya 🩵🤍🎂 Moitos parabéns, Samu! ... See MoreSee Less
Ver en Facebook

All contents © copyright SD Compostela. All rights reserved.