O Compos non pode co Arousa

3 de Marzo de 2019
Aythami encontra ao porteiro no seu disparo. Foto: Amadeo Rey.
Aythami encontra ao porteiro no seu disparo. Foto: Amadeo Rey.
  • Nun minuto, pasouse dun gol anulado a Aythami ao penalti a favor dos locais

Santiago de Compostela, a 3 de marzo de 2019.

A SD Compostela quedou sen premio na Lomba. As inclemencias climatolóxicas, a fortuna e a defensa numantina local evitaron que os nosos perforasen a portería de Manu Táboas, unha sorte que se tivo o Arousa desde o once metros. Por iso, o tres puntos quedaron en Vilagarcía.

Tras un partido moi igualado, o encontro entre estes dous históricos da Terceira División decidiuse nun minuto. No 73, o árbitro anulou o gol de Aythami, e no 74 decretou como penalti a caída de Trapero na área. Pena máxima que anotou Sylla, pichichi da categoría.

Comezou mellor na Lomba o Arousa. Javi Otero foi o primeiro en probar fortuna, cun disparo desde fóra da área que despexou cos puños Anxo Pérez. Seis minutos máis tarde, o porteiro branquiazul volveu aparecer para sacar baixo a liña o cabezazo de Pablo González. O remate do central desde a área pequena foi sacado dunha maneira felina pola meta e a súa rexeite, que caeu nas botas de Trapero, foi enviado por este á parte exterior do pau.

A pesar desa saída, o Compos foise facendo co dominio do encontro a medida que pasaban os minutos. Afíxose ao campo e ao tempo e comezou a merodear pola área de Manu Táboas. Nunha desas xogadas de ataque, Brais Abelenda encaraba ao porteiro sen oposición, pero Javi Otero trabouno por detrás na frontal. Vermella directa e a falta, executada por Aythami, marchouse lambendo a madeira da portaría local.

Os branquiazuis tentábano coa posesión, mentres o Arousa acazapábase en busca dun contraataque. Aínda que antes do intermedio esa inferioridade non se frutificou con ocasións claras, á volta do mesmo a situación cambiou por completo.

Primeiro, Mon probou fortuna desde a frontal, pero atrapou Manu Táboas. Despois, un despexe do porteiro a centro de Brais Abelenda, foi rematado de cabeza por Santi, pero un defensa sacouno na liña. E para terminar, outro centro chute do dianteiro lucense foise ao traveseiro cando xa se presaxiaba o gol.

Esa diana chegou, no 72, pero o colexiado anulouno por fóra de xogo. Aythami recibiu a asistencia de Santi, a instancias do linier, en posición ilegal, polo que o tanto do canario non subiu ao marcador.

E mentres tanto, un minuto máis tarde, o colexiado decidiu sinalar o punto do once metros cando Trapero caeu na área. O central foise ao chan nunha xogada un tanto polémica, pero o árbitro non o dubidou e Sylla, pichichi da categoría, non fallou desde a pena máxima.

De aí ao final, o partido foi un querer e non poder. Os nosos tentárono de todas as maneiras posibles, pero non era o día. A máis clara, un man a man de Aythami contra Manu Táboas, volveuno a sacar o porteiro.

Así se acabaría o partido. O Compos tentouno todo, pero a pelota non acabou entrando. O tres puntos quedaron en Vilagarcía, polo que os branquiazuis perderon a imbatibilidade nesta segunda volta. A próximo semana, ante o Racing de Ferrol, tentaremos cambiar a fortuna no Tourmalet.

FICHA TÉCNICA:

1- Arosa SC: Manu Táboas; Pacheco, Trapero, Pablo González, Carlos Torrado; Iago Martínez Chiqui (Quique Cubas, m.82; Javi Otero, Luís García (Mou, m.76), Julio Rey (Suso, m.79); e Sylla.

0- SD Compostela: Anxo Pérez; Álvaro Casas, Piscu (Marcos Remeseiro, m.75), David Uña; Miki, Samu, Mon, Álex Ares, Brais Abelenda; Santi (Rubén, m.80) e Aythami.

Goles: 1-0: Sylla, min.74.

Árbitro: Castro Alarcón, colexio pontevedrés. Expulsou con vermella directa (m.28) a Javi Otero. Ademais, amoestou a Pablo González, polos locais; e a Aythami, Álvaro Casas, Brais Abelenda e Piscu, polos visitantes.

Incidencias: Partido da vixésimo sexta xornada de liga do grupo 1 da Terceira División disputado no Campo da Lomba ante 1.300 espectadores.

Youtube

Instagram Compos

Facebook

3 hours ago

SD Compostela
📹 Pablo Antas ten unha mensaxe para todos!👉 Mañá, ás 11.00, estaremos no Banquete de Conxo axudando no proxecto ECO-BOSQUE🙌 Temos que actuar xa para eliminar a planta invasora tradescantia⁉️ Contamos contigo?🎫 Agasallaranse entradas para este domingo aos que participen ... See MoreSee Less
Ver en Facebook

2 days ago

SD Compostela
x24 🆚 Real Racing Club (Rayo Cantabria)🏟️ Vero Boquete🗓️ Domingo 23/02🕔 17.00 horas💡 Ojoalvatio Asesoría Energética📺 En Xogo 🎟️ sdcompostela.compralaentrada.com/eventos/ 🎯 A facer bo na casa o empate de onte#composrayocantabria ... See MoreSee Less
Ver en Facebook

2 days ago

SD Compostela
𝐏𝐋𝐀𝐍 𝐒𝐄𝐌𝐀𝐍𝐀𝐋⚒️⚽️ Plan de traballo para o regreso ao Vero Boquete contra o Real Racing Club (Rayo Cantabria)#composrayocantabria ... See MoreSee Less
Ver en Facebook

3 days ago

SD Compostela
🔚 FINAALUM Escobedo 0⃣-0⃣ COMPOS+1⃣ punto!⚽️ Bo partido dos nosos, dominando o encontro, pero sen capacidade para aproveitar as súas ocasións de perigo!🙌 Toca facer bo este empate o próximo domingo na casa!📸 Adriel Sierra#escobedocompos ... See MoreSee Less
Ver en Facebook

3 days ago

SD Compostela
⏸️ DESCANSOUM Escobedo 0️⃣-0️⃣ COMPOS Primeira metade moi controlada polos nosos, sen recibir ocasións e buscando o gol ante un rival en bloque baixo#escobedocompos ... See MoreSee Less
Ver en Facebook

All contents © copyright SD Compostela. All rights reserved.