[cs_video column_size=”1/1″ video_url=”https://youtu.be/sH41HZmxfDk” video_width=”500″ video_height=”250″][/cs_video]
-
O Compos busca unha nova vitoria ante o Arousa para seguir enganchado aos líderes
Santiago de Compostela, a 1 de Marzo de 2019.
A SD Compostela afronta este domingo, ás 17.00 horas, no Campo da Lomba a segunda etapa do seu particular Tourmalet. Os branquiazuis, tralo empate ante o Bergantiños, tentarán lograr a súa cuarta vitoria nesta segunda volta contra todo un histórico da Terceira División, e candidato ao playoff de ascenso, o Arousa.
“Os resultados non lle están acompañando e provocáronlle estar a bastantes puntos dos catros primeiros, pero segue sendo ese equipo presumible de playoff, de principio de tempada, cun potencial enorme e plantel para enchufarse na liga cunha boa segunda parte”, advertiu Yago Iglesias na rolda de prensa.
O técnico branquiazul sabe da dificultade do reto, unha cita que se complica aínda máis pola bancada e terreo de xogo rival. “A Lomba é un campo mítico de Terceira e o Arousa uno dos conxuntos que máis socios e afeccionados ten, polo que coas súas expectativas previas e ante o Compos, terán unha dobre motivación para demostrar que non son os que marca a táboa”, explicou.
A pesar dese ambiente, tachado por Yago como doutra categoría, os nosos esperan sacar os tres puntos, recuperando sensacións tras dúas igualadas consecutivas. “Será difícil, pero a iso imos. O rival será duro, pero se os superamos subiranos moito a moral”, sinalou.
Recalcando nos aspectos positivos que mostrou o equipo na visita ao Bergantiños, os cales tamén tiveron froito na clasificación, o corpo técnico buscará as reviravoltas do rival para alcanzar o triunfo. Para iso, o adestrador santiagués non quixo desvelar a súa formulación para o partido. “Esta semana, e non o vou a ocultar, repasamos a defensa de catro, pero todo dependerá das opcións que vexamos para o domingo”, confesou.
A pesar de que na xornada sete encontros adiántanse ao sábado, o equipos non quere mirar a terceiros, xa que se está vendo que custa sacar cada partido, sexa ante o rival que sexa. “Debemos pensar só en nós, facer o noso traballo, e se despois podemos recortar a outros, mellor”, concluíu.
Confiados no seu bo facer e no esforzo realizado entre semana, os nosos esperan superar con fartura este segundo porto de montaña. Con esforzo e o apoio da bancada, o Compos quere traerse os tres puntos para Santiago.
