Dura rampla final do Tourmalet

29 de Marzo de 2019

[cs_video column_size=”1/1″ video_url=”https://youtu.be/_DJPjIgmM10″ video_width=”500″ video_height=”250″][/cs_video]

  • O Compos pecha o periplo ligueiro denominado como o mítico porto de montaña visitando ao CD Barco

Santiago de Compostela, a 29 de Marzo de 2019.

A SD Compostela medirá este domingo as súas forzas contra o CD Barco no que supón a última rampla do denominado Tourmalet. Tras tres triunfos consecutivos, os branquiazuis viaxan ao Campo de Calabagueiros para afrontar un duro reto do que aspiran saír vencedores, rompendo así a súa dinámica negativa histórica en Valdeorras.

“Cada ano é distinto. Creo que faremos un bo partido, porque levamos unha dinámica moi boa, sobre todo coas sensacións do equipo, o que nos fai ser optimistas e confiar en que podemos romper a xeira”, explicou Yago Iglesias en rolda de prensa.

Con todo, o corpo técnico e o equipo sabe da dificultade do rival, un conxunto chamado a estar entre os catro primeiros. “A nivel de xogadores é moi forte, sen dúbida están asentados na Terceira e cada tempada aspiran a mellorar a anterior”, sinalou o técnico.

Entre os seus puntos fortes, o adestrador destacou “un bloque con moi boas individualidades e moito potencial de medio campo para arriba, con experiencia en categoría superior e con moito percorrido”. Por esta razón, “se queremos parar a futbolistas veteranos, moitos de fóra de Galicia, e con calidade, como Rubén García ou Ivi Vales, que poden marcar a diferenza, debemos xogar unidos, como afacemos, pensando no grupo e traballando todos xuntos”, remarcou.

A pesar diso, o Barco non está a callar unha boa segunda volta, malia que gañou ao Silva, tras once xornadas, e empatou na última contra o Paiosaco. Con todo, o plantel branquiazul non se fía das dinámicas. “O que máis lle importará é gañar, ademais diante da súa xente, e non creo que pensen na dinámica, polo que esperamos un encontro moi igualado”, comentou Samu.

Para facer fronte a este reto, o Compos chega cargado de moral, con ganas de repetir o gran duelo da primeira volta no que saíu vencedor por 1-0, e cun gran nivel físico. “Estamos ao 100%, mostra de como se traballa e do estado mental, algo que se consegue tendo a todo o mundo enchufado, xa que tódalas semanas facemos rotacións, e iso nótase co paso das xornadas”, analizou Yago.

Esas variantes permiten ao técnico poder elixir o sistema en base ao tipo de xogo que exporán, polo que non dá pistas sobre os que formarán en Calabagueiros. “Temos variantes en base ao que necesitamos e ao chegar a Barco decidiremos por que opción optamos”, reflectiu o adestrador.

Por tanto, sen mirar a outros equipos, e coa motivación de deixar ao quinto clasificado a trece puntos e golaveraje, o Compos espera sumar o seu cuarto triunfo consecutivo. Será unha última rampla moi dura, pero co apoio dos afeccionados que se desprazarán buscarán traerse a vitoria de volta para Santiago e seguir peregrinando en liga.

Youtube

Instagram Compos

Flickr Amadeo Rey

  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2

Instagram Canteira

Twitter Canteira

Facebook

11 hours ago

SD Compostela
🎥 𝐑𝐎𝐋𝐃𝐀 𝐃𝐄 𝐏𝐑𝐄𝐍𝐒𝐀 🎥🎙️ Rolda de prensa de Juan Carlos Andrés trala derrota e eliminación no playoff!!!#TarazonaCompos ... See MoreSee Less
Ver en Facebook

13 hours ago

SD Compostela
🔚 𝐅𝐈𝐍𝐀𝐋S. D. Tarazona 2️⃣-0️⃣ 𝐒𝐃 𝐂𝐎𝐌𝐏𝐎𝐒𝐓𝐄𝐋𝐀 Da forma máis cruel!#TarazonaCompos ... See MoreSee Less
Ver en Facebook

14 hours ago

SD Compostela
▶️ 𝑨 𝑷𝑶𝑳𝑨 𝑺𝑬𝑮𝑼𝑵𝑫𝑨 𝑴𝑬𝑻𝑨𝑫𝑬!!!S. D. Tarazona 0️⃣-0️⃣ 𝐒𝐃 𝐂𝐎𝐌𝐏𝐎𝐒𝐓𝐄𝐋𝐀🙌 𝐔𝐍 𝐏𝐋𝐀𝐘𝐎𝐅𝐅 𝐏𝐀𝐑𝐀 𝐒𝐎Ñ𝐀𝐑 🙌⚔ SEGUIMOS A POR TODAAASSS!!! TODOS XUNTOOOSSS!!! ⚔#MakeComposGreatAgain #TarazonaCompos ... See MoreSee Less
Ver en Facebook

14 hours ago

SD Compostela
⏸️ 𝐃𝐄𝐒𝐂𝐀𝐍𝐒𝐎 ⏸️@sd tarazona 0️⃣-0️⃣ 𝐒𝐃 𝐂𝐎𝐌𝐏𝐎𝐒𝐓𝐄𝐋𝐀 🙌 𝐔𝐍 𝐏𝐋𝐀𝐘𝐎𝐅𝐅 𝐏𝐀𝐑𝐀 𝐒𝐎Ñ𝐀𝐑 🙌#MakeComposGreatAgain #TarazonaCompos ... See MoreSee Less
Ver en Facebook

All contents © copyright SD Compostela. All rights reserved.