Recta final con seis vitorias

1 de Abril de 2019

Resultados-1-Abril

  • Os equipos da base enfilan as últimas xornadas con varias opcións de ascenso

Santiago de Compostela, a 1 de Abril de 2019.

As categorías inferiores da SD Compostela enfilan xa a recta final das súas respectivas competicións con algunha opción de ascenso. Nesta última xornada, os conxuntos branquiazuis sumaron seis vitorias e un empate como resultados positivos. O Xuvenil A e o Cadete A, en postos de promoción, o Infantil A, o Alevín A, que asegurou a segunda praza no playoff, e o Alevín B e o Prebenxamín B, matemático gañador da súa liguiña da segunda fase, foron os triunfadores dunha fin de semana na que volveu igualar o Zona Vella.

Precisamente, o filial branquiazul sumou un novo empate, o cuarto consecutivo, tras igualar 1-1 na visita do Santa Cruz de Montaos. Os visitantes puxéronse por diante na recta final do primeiro acto, pero o Zona Vella nivelou a contenda á saída dos vestiarios mercé ao tanto de Óscar Juanes.

Tamén fiou resultados, neste caso triunfos, un Xuvenil A que marcha quinto, en posición de promoción de ascenso, e que mantén o pulso cos rivais que o preceden na táboa. Esta vez, os branquiazuis volveron sumar tres puntos, tras derrotar 1-0 ao Ural CF, grazas a manter a portería a cero. Un tanto de Manel Macías, no minuto 84, decidiu un encontro entre dous rivais moi parellos. Por contra, o Xuvenil B non puido volver do seu descanso do mesmo xeito, xa que caeu por 2-1 contra o Amio. Raúl García puxo en vantaxe aos nosos aos seis minutos, pero os locais remontaron cun tanto ao final do primeiro período e outro á metade do segundo.

Segue de líder destacado, á espera da fase de promoción de ascenso, un Cadete A que regresou á senda do triunfo cun claro 4-1 ante o CD Unión. Jaime Álvarez, por dúas veces, Manu Crespo e Iker Carril foron os artífices da enésima vitoria do conxunto máis destacado da base.

Emulando ao xuvenil, o Infantil A volveu sumar de tres, tras varias semanas sen facelo, ao superar por 1-0 ao Dubra. Antonio Otero, no desconto da segunda metade, provocou a alegría dos nosos, que ademais ascenden un posto na táboa. Peor sorte correu o Infantil B ao caer por 1-3 ante o La Salle, conxunto que lle recorta distancia na táboa, na que marcha cuarto. Valentino Becerra foi o goleador local.

En fútbol oito, o Alevín A asegurou xa a segunda posición no playoff de descenso, o que lle asegura manterse un ano máis en primeira autonómica. Os pequenos fixérono tras gañar 1-3 ao Dubra, terceiro clasificado. Ao mesmo tempo, o Alevín B mantén a cuarta posición en Terceira despois de gañar 0-4 ao Atlético Fátima, o seu inmediato perseguidor.

Baixando de idade, o Benxamín B caeu ao ED Xuventude Oroso, mesma fortuna que atoparon tanto o Prebenxamín A, contra a AD Nicrariense, e o Biberón de Fútbol 8, ante o Villestro SD. Na outra cara da moeda, o Prebenxamín B asegurou o primeiro posto da súa liguiña na segunda fase da competición ao superar ao Villestro, mantendo así a súa imbatibilidade a falta dunha xornada para o final.

Flickr


Youtube

Instagram Compos

Facebook

4 hours ago

SD Compostela
🔚 FINAALDeportivo Alavés B 1️⃣-1️⃣ COMPOSValioso punto dos nosos nun campo tremendamente complicado🤯🖐️Edu Sousa foi clave parando un penalti co partido 1-1 no treito final🔜🩵🤍 A vindeira semana agardamos por todos vós para recibir ao Bergantiños #minigloriascompos ... See MoreSee Less
Ver en Facebook

7 hours ago

SD Compostela
📋🩵🤍 OS NOSOS 11👨‍🏫 Carlos de Lerma🆚 Deportivo Alavés B#minigloriascompos ... See MoreSee Less
Ver en Facebook

8 hours ago

SD Compostela
🎂 Hoxe está de aniversario o noso 🐈, Iago DomínguezMoitos parabéns, Iago!! 🩵🤍Que o poidamos celebrar cunha +3⃣ esta mañá en Vitoria! 📸 Nacho Castaño ... See MoreSee Less
Ver en Facebook

9 hours ago

SD Compostela
DÍA DE COMPOS! 🩵🤍🆚 Deportivo Alavés B🏟️ Ibaia 3🕛 12:00 horas🎟️ 10€❌📺 🙌 A recuperar a senda do triunfo en Vitoria!📸 @nacho_castano_#minigloriascompos ... See MoreSee Less
Ver en Facebook

22 hours ago

SD Compostela
✅📋 CONVOCATORIA👨‍🏫 Carlos de Lerma🆚 Deportivo Alavés B👉 Os nosos para o encontro de mañá ás 12:00 horas en Vitoria! Regresan á convocatoria tralas súas lesións Ces Cotos e Armental#minigloriascompos ... See MoreSee Less
Ver en Facebook

CONTACTO

sdcompostela@sdcompostela.com

981 57 70 41

Av. de Fernando de Casas Novoa, 20, 15707 Santiago de Compostela, A Coruña.

 

All contents © copyright SD Compostela. All rights reserved.