Punto e seguido en casa cun sabor doce

12 de Maio de 2019
Miki foi o protagonista do duelo patrocinado por Gastrobar El Patio con tres asistencias. Foto: Amadeo Rey.
Miki foi o protagonista do duelo patrocinado por Gastrobar El Patio con tres asistencias. Foto: Amadeo Rey.
  • O Compos levou o duelo ante o Somozas por 3-1, cun Miki estelar

Santiago de Compostela, a 12 de maio de 2019.

A SD Compostela puxo punto e seguido á tempada no Vero Boquete cun sabor doce. Os branquiazuis completaron a súa gran festa cun claro triunfo por 3-1 ante o Somozas, liquidando o duelo no primeiro acto con actuación estelar de Miki, quen asinou un hat trick de asistencias.

O Compos abriu rápido a conta co tanto de Rubén aos tres minutos, neutralizado momentaneamente aos dez por Álex. Rubén, de novo, nunha acción calcada, devolveu o encontro á boa senda e Santi pechouno co seu gol no 36, todos eles precedidos polos pases da morte do extremo de Nigrán.

O último encontro de liga no fortín branquiazul servía como festa para os branquiazuis. Unha vez logrado o obxectivo, o club quixo aproveitar esta cita para honrar aos seus, pero tamén a todos os equipos da canteira, polo que antes de que dese comezo o partido, os pequenos recibiron o aplauso da bancada, destacando o Cadete A que recolleu o seu título de liga.

Tralos prolegómenos, o Compos iniciou o duelo con ganas de prolongar a celebración ata as oito da tarde. Así, entrou con gran intensidade ao campo e materializou a terceira que tivo en apenas tres minutos. Primeiro, Manu Cedrón interveu ante o cabezazo de David Uña e posterior disparo de Chechu, pero na seguinte xa non puido facer nada ante a onda branquiazul. Miki colleu as costas do seu lateral, cabalgou ata diante do porteiro e deu o pase da morte para que Rubén marcase a portería baleira.

A pesar deste gran arranque, o Somozas puido reaccionar mercé a un roubo en campo contrario aos dez minutos. Luís Nuño quitoulle a carteira a Alberto e cedeu a asistencia cara a Álex, quen non fallou no man a man con Lorenzo.

Con todo, as táboas durarían pouco e é que o segundo tanto local chegaría dez máis tarde, nunha acción calcada á do inaugural. Miki volveu entrar en velocidade pola dereita, encarou a Manu e repetiu pase da morte a Rubén, quen materializou o seu dobrete sen oposición.

Esta vez, os nosos xa non deixarían escapar a súa vantaxe e a pesar de que Miki non conseguiu chegar por centímetros ao pase da morte Alberto, en primeira instancia, e que se atopou coa resposta do meta visitante, xusto despois, o terceiro acabou caendo coa insistencia.

O extremo de Nigrán gañou un novo duelo en velocidade pola banda, chegou á liña de fondo e serviu a asistencia rasa para que Santi ampliase a renda. Deste xeito, Miki pechou o seu particular hat trick de asistencias, mentres que o dianteiro lucense marcou tras varias xornadas sen facelo.

Tal era a festa, que unha vez retirados a vestiarios, o participante do desafío Recambios Balsa Recalvi, Damaso Chacón, conseguiu acertar co seu disparo desde o centro do campo.

Á volta do intermedio, pensando xa no playoff, o Compostela rotou ás súas pezas, entrando Samu, que volvía tras meses lesionado, ou Pedro Leis, xogador da Zona Vella que debutou en Terceira División; e reduciu a velocidade no xogo.

Con todo, seguiu dominando a posesión, merodeando a área visitante, pero sen o acerto necesario no último pase. A máis clara tívoa Naveira, no 86, quen tras recibir de Santi, soltou un zurdazo potente que despexou co pé o meta.

Sen pasar apuros, os tres puntos quedaron na casa e a festa foi total. O Compos despediu aos seus na liga mostrando as credenciais que poden servir un ascenso. O 3-1 final reflectiu a superioridade dos nosos, quen pecharán o curso no campo do Ourense CF, o vindeiro domingo, soñando xa co playoff.

FICHA TÉCNICA:

3- SD Compostela: Lorenzo; Saro, David Uña, Chechu, Naveira; Álvaro Casas, Alberto Freire (Samu, m.46); Miki, Josiño (Pedro Leis, m.75), Rubén (Sergio Pereira, m.75); e Santi.

1- UD Somozas : Manu Cedrón; Javichu, Joseja, Quindimil, David Antón, Álex Pérez (Marcos Fernández, m.17); Dani (Gonzalo, m.50), Diego Uzal, Juan M., Álex (Julián, m.70); e Luís Nuño.

Goles: 1-0: Rubén, min.3; 1-1: Álex, min.13; 2-1: Rubén, min.20; 3-1: Santi, min.37.

Árbitro: García Rodríguez, comité coruñés. Amoestou a Chechu e David Uña, polos locais; e a Juan M. e Luís Nuño, polos visitantes.

Indecencias: Partido da trixésimo sétima xornada de liga do grupo 1 da Terceira División disputado no Estadio Verónica Fenda de San Lázaro ante 530 espectadores. Antes do comezo fíxose unha homenaxe aos equipos da base do club, recibindo o título de liga de mans da Federación Galega de Fútbol o Cadete A.

Youtube

Instagram Compos

Noticias Recientes

Flickr Amadeo Rey

  • OURENSE- 2 COMPOSTELA- 0
  • OURENSE- 2 COMPOSTELA- 0
  • OURENSE- 2 COMPOSTELA- 0
  • OURENSE- 2 COMPOSTELA- 0
  • OURENSE- 2 COMPOSTELA- 0
  • OURENSE- 2 COMPOSTELA- 0

Instagram Canteira

Twitter Canteira

Facebook

4 hours ago

SD Compostela
𝐂𝐎𝐍𝐕𝐎𝐂𝐀𝐓𝐎𝐑𝐈𝐀 🩵🤍🙌 OS NOSOS para o derbi de mañá, ás 16.15 no Estadio da Magdalena, contra o RACING CLUB VILLALBÉS 👨‍🏫 Michel Alonso cita a dezaoito xogadores para o gran encontro en terras chairegas #villalbéscompos ... See MoreSee Less
Ver en Facebook

1 day ago

SD Compostela
🎙️ 𝐑𝐝𝐏 | 🗣️ PREVIA de Michel Alonso antes do derbi deste domingo, ás 16.15 na Magdalena, contra o RACING CLUB VILLALBÉS🙌 O técnico destacou a importancia da vitoria para manterse nos postos de playoff#villalbéscompos ... See MoreSee Less
Ver en Facebook

2 days ago

SD Compostela
🎟️ 𝐄𝐍𝐓𝐑𝐀𝐃𝐀𝐒 vs RACING CLUB VILLALBÉS 🙌 Estarán a venta o domingo no despacho de billetes do Estadio da Magdalena🎫 Prezo das entradas: 15€. Menores de 14 anos: Gratis 🩵🤍 Agárdanos un gran encontro en terras lucenses#villalbéscompos ... See MoreSee Less
Ver en Facebook

2 days ago

SD Compostela
Confirmado o próximo partido na casa, un encontro solidario e especial! 🩵🤍⚽️ X25🆚 RS Gimnástica🗓️ 03.03.24⏰ 16.45🏟️ Vero Boquete🤝 𝐏𝐚𝐭𝐫𝐨𝐜𝐢𝐧𝐚 Banco de Alimentos Rías Altas (BALRIAL Santiago)🎟️ Entrada gratuíta para todos aqueles que doen algún dos produtos do listado! 🚪 Os voluntarios do Banco de Alimentos estarán nas Portas de Acceso o día de partido recollendo os produtos que lle fagades chegar!💪 Axuda ao Banco coa súa gran labor, neste caso, achegando alimentos non perecedeiros!#composgimnástica #unnovocamiño ... See MoreSee Less
Ver en Facebook

3 days ago

SD Compostela
🩵🤍 O primeiro de moitos ⚽️👏 Hugo Matos estreouse este sábado como goleador en partido oficial da SD Compostela 🙌 Un premio a un encontro e unha tempada redonda para o noso canteirán#composfabril ... See MoreSee Less
Ver en Facebook

All contents © copyright SD Compostela. All rights reserved.