Festa final de liga no Vero Boquete

10 de Maio de 2019

[cs_video column_size=”1/1″ video_url=”https://youtu.be/x9wYSPUvoVU” video_width=”500″ video_height=”250″][/cs_video]

  • A SD Compostela despide o campionato ante o Somozas homenaxeando á canteira

Santiago de Compostela, a 10 de Maio de 2019.

Co obxectivo cumprido, a SD Compostela despide este domingo a liga no Vero Boquete ante o Somozas, pensando xa nas eliminatorias da promoción de ascenso. Os branquiazuis, que aproveitarán a cita para homenaxear aos seus equipos da base, recibindo o título ligueiro o Cadete A, queren volver á senda da vitoria ante o seu público e acabar con boas sensacións.

“Ata o último día queremos gañar sempre. É a mellor maneira de chegar ao playoff, con boas sensacións, reflectíndose cos tres puntos o que fagamos sobre o campo”, explicou Yago Iglesias na rolda de prensa.

Neste mesmo sentido, expresouse Alberto Freire, quen se atopa cada día mellor desde a súa recuperación da pubalxia, polo que agarda coller ritmo de competición nestas últimas citas. “Sempre é importante seguir gañando para chegar coas mellores sensacións posibles e por iso centrarémonos en coller ritmo”, comentou.

O que está claro é que o equipo se ve preparado para a segunda parte da competición, como así o mostraron no último duelo. “Contamos con moitos rexistros, a un nivel moi alto todos eles e penso que o encontro de Ribadumia veunos moi ben, porque levabamos tempo sen gañar fóra, por asegurar o terceiro posto e pola maneira de logralos”, analizou o técnico, quen destacou a capacidade do equipo para defenderse sen balón cando quedaron con dez.

A maiores, o corpo técnico aproveitará este tramo para rotar aos seus xogadores, recuperando a Samu para a causa tras varios meses fóra. “Tendo dúas semanas de antelación, danos tempo para prepararnos mental e fisicamente. Os máis cargados descansarán e terán minutos os que tiveron lesións, co obxectivo de que cheguen todos con boas sensacións”, remarcou o adestrador.

Os que finalmente sexan da partida, para lograr o reto marcado, deberán superar a un Somozas que chega en apertos na táboa, pero que xa superou aos nosos na primeira volta. “Era un equipo chamado a estar máis arriba a principio de tempada, con grandes nomes como Gerardo ou Gonzalo, pero que se meteu en problemas polo que virán a xogar unha final”, detallou.

Por ese motivo, Yago apela a estar á altura das circunstancias, facendo vibrar á afección que se achegue ao fortín branquiazul. Que o que comece como unha festa, acabe da mesma maneira, despedindo a liga na casa da mellor maneira posible.

Youtube

Instagram Compos

Flickr Amadeo Rey

  • VILLALBES- 0 COMPOSTELA- 0
  • VILLALBES- 0 COMPOSTELA- 0
  • VILLALBES- 0 COMPOSTELA- 0
  • VILLALBES- 0 COMPOSTELA- 0
  • VILLALBES- 0 COMPOSTELA- 0
  • VILLALBES- 0 COMPOSTELA- 0

Instagram Canteira

Twitter Canteira

Facebook

16 hours ago

SD Compostela
👐 Estamos en CUARTOS da VOTACIÓN da MELLOR CAMISETA de Fútbol Emotion 🩵🤍 AXÚDANOS A SUPERAR ESTA ROLDA CO TEU VOTODALLE AO 💙 NO SEGUINTE ENLACE!!! 👇👇👇👇👇👇👇👇www.instagram.com/stories/futbolemotion/3314294372437549281?utm_source=ig_story_item_share&igsh=b... ... See MoreSee Less
Ver en Facebook

20 hours ago

SD Compostela
🎙️ 𝐑𝐝𝐏 | Michel Alonso🗣️ PREVIA do partidazo deste domingo, ás 16.45 no Vero Boquete, contra a RS Gimnástica 🩵🤍 O noso técnico destacou a importancia de seguir dando pasos no xogo e nas sensacións para afianzar os postos de playoff#composgimnástica ... See MoreSee Less
Ver en Facebook

21 hours ago

SD Compostela
🎥 Esta mañá presentamos o encontro solidario contra a RS Gimnástica 📸 Acompañáronnos Pilar Lueiro, concelleira de Deportes do Pazo de Raxoi; e Manuel Mora, presidente de BALRIAL Santiago🤝 Este domingo, pedímosche a túa colaboración para o Banco de Alimentos. Trae alimentos da súa Cesta Básica e entrarás gratis ao partido. Unha axuda moi necesaria para todas as familias necesitadas da nosa contorna!!!#composgimnástica ... See MoreSee Less
Ver en Facebook

2 days ago

SD Compostela
🙌 RECORDA que o partido deste domingo contra a RS Gimnástica é solidario 🤝 Colabora co Banco de Alimentos BALRIAL Santiago achegando produtos da súa Cesta Básica (recolleranse nos accesos ao Estadio Vero Boquete)🎟️ A entrada será gratuíta para todos os que acheguedes algún destes produtos#composgimnástica ... See MoreSee Less
Ver en Facebook

2 days ago

SD Compostela
🗓️ TENDA OFICIAL⏰ Por descanso do persoal, a Tenda Oficial estará pechada ata o próximo 7 de marzo💪 Podes mercar o noso merchan na Tenda Online✍️ tienda.sdcompostela.com/es/👕 Ademais, tamén poderás mercar as equipacións oficiais en Berenguela / Joyas del Camino (Praza das Praterías), establecemento colaborador do club 🩵🤍#tendaoficialcompos ... See MoreSee Less
Ver en Facebook

All contents © copyright SD Compostela. All rights reserved.