Terminan as ligas na base

6 de Maio de 2019

Resultados-6-Maio

  • O Xuvenil A gañou e empatou esta semana e o Cadete A espera xa o playoff de ascenso

Santiago de Compostela, a 6 de Maio de 2019.

A gran maioría dos equipos da base da SD Compostela terminaron esta semana as súas ligas logo dunha longa tempada na que gozaron dentro do novo proxecto branquiazul. A última cita pechouse con tres triunfos e tres empates como resultados positivos.

En primeiro lugar, o Zona Vella acabou o curso cunha nova derrota ante o Belvís por 2-0. O filial santiagués foi de máis a menos na competición cunha segunda volta que o deixou en terra de ninguén durante varios meses.

Mellor fortuna tivo un Xuvenil A que segue quinto, con posibilidade de ascender algún posto máis, logo dunha semana con dobre cita na que sacou un empate e unha vitoria. Primeiro, o mércores, igualou en casa (2-2) ante o As Pontes, que neutralizou a vantaxe local, conseguida a través dos tantos de Yoseban Montoto e Alejandro Fernández, no desconto do encontro. Despois, o sábado, superou por 0-2 ao Galicia Caranza con goles de Óscar Aldrey e Diego López. Pola súa banda, o Xuvenil B pechou a competición na oitava posición con 44 puntos, despois de caer derrotado ante o Xuventú Aguiño por 0-2.

A mellor nota da base lévaa, sen dúbida, o Cadete A, que a pesar de finalizar a liga con empate a dous goles co Bastavales, foi campión con 95 puntos, optando ao ascenso con dúas oportunidades. Manuel Crespo e Anxo Ferro foron os goleadores nesta última cita antes do playoff. Mentres tanto, o Cadete B acabou cun gran sabor de boca logo de vencer 1-3 ao Arzúa, resultado co que certificou unha meritoria quinta praza en Segunda Autonómica. Zubo Yang, máximo goleador branquiazul, anotou un hat trick decisivo para levar os últimos tres puntos.

De igual forma, o Infantil A finalizou con vitoria, 2-4 ante o Xuventú Aguiño, subindo á undécima praza final con 37 unidades. Nesta xornada final, o triunfo fraguouse coas dianas de Rubén Sande, Lois Lortes, Xiao Pereiro e Álvaro Espasandín. Por contra, o Infantil B acabou en cuarta posición a liguiña da Copa de Santiago tras perder por 3-1 co Atlético Fátima, sendo Tomás Munge o autor do tanto da honra. Mesma sorte recibiu o Alevín de Fútbol 11, que entre semana perdeu por 4-1 ante o líder, o Villestro.

Por último, o Prebenxamín B conseguiu un meritorio empate (1-1) contra o Conxo na ida das semifinais da Copa de Santiago.

Youtube

Instagram Compos

Flickr Amadeo Rey

  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1

Instagram Canteira

Twitter Canteira

Facebook

3 days ago

SD Compostela
🩵🤍 Grazas, Pato!🎙️ Rolda de prensa de despedida do porteiro tras seis tempadas defendendo a portería branquiazul 🧤🤝 Sempre un dos nosos! ... See MoreSee Less
Ver en Facebook

3 days ago

SD Compostela
⚽️ Semana de adestramentos👉 O equipo inicia unha nova semana con catro sesións previstas, todas elas no campo do Sergas ... See MoreSee Less
Ver en Facebook

7 days ago

SD Compostela
👏 @samurodriguez14, #JugadorCincoEstrellas da SD Compostela 23.24 🩵🤍🏆 O capitán, cos votos da afección en Twitter, foi elixido como o xogador máis destacado da tempada, logo de ser fundamental na segunda volta🤝 @futbolmahou 🍻 ... See MoreSee Less
Ver en Facebook

All contents © copyright SD Compostela. All rights reserved.