A SD Compostela conxela o prezo dos abonos no camiño á Segunda B

17 de Xullo de 2019

Campaña Abonos 2019-20 Horizontal_page-0001

  • O lema da campaña, “O Compos Somos Nós”, fai mención a eses seguidores que demostran a súa fidelidade ao club

  • Amplíase o rango de idade con desconto ata os 30 anos e segue a reserva de asento

  • Pódese facer presencial, nas oficinas, ou a través da páxina web

Santiago de Compostela, a 17 de Xullo de 2019.

Os abonos da SD Compostela 2019/20 saen mañá (xoves 18 de xullo) á venda. O club presentou xa a súa campaña baixo o lema “O Compos Somos Nós”, como unha mención especial a eses seguidores que están sempre presentes, tempada tras tempada, nas bancadas do Vero Boquete. Neste ano ilusionante, o do camiño á Segunda División B, conxeláronse os prezos e aumentouse o rango de idade con desconto ata os 30 anos.

Para darse de alta ou renovar, poderase realizar nas Oficinas do Club ou ben a través da páxina web (www.sdcompostela.com). No primeiro caso, as Oficinas abrirán ata finais de agosto, de luns a venres, en horario matinal de 9.00 a 15.00 horas. A partir do 1 de setembro, pasarase ao habitual, de luns a venres, de 10.00 a 13.00 e de 16.00 ás 20.00. No segundo caso, poderase acceder á plataforma de pago a través da imaxe situada na páxina principal ou na pestana web de “Abónate”.

A novidade da campaña será o aumento do desconto dos 25 aos 30 anos, nunha clara aposta por seguir enganchando á xente nova da cidade, que se suma á decisión tomada o verán pasado de que sexa gratis para tódolos menores de idade. Por tanto, ata o próximo 30 de novembro, os prezos para a bancada de Tribuna serán os seguintes:

– Xeral: 90€

– Xubilados e parados de longa duración: 75€

– Carné da USC e sub30: 60€

– Menores de idade: Gratis

A maiores, mantéñense as reservas de asento por 5€ para as renovacións dos abonos e 10€ para as altas novas. Cada persoa que tome esta decisión, terá o seu asento reservado na bancada, identificado co número do seu abono.

Tamén existe a posibilidade de abonarse no Palco Vip, con acceso a aparcamento ata límite de prazas e cátering, por 250€; e o Carné de Empresa, con 5 abonos para o desfrute da mesma, por 350€.

O pago poderase realizar todo xunto, no momento no que se leva a cabo a activación do abono, ou ben domicilialo en dous prazos: o primeiro cando se dea de alta e o segundo ao termo da primeira volta. Este abono dará acceso a tódolos partidos de Liga, reservándose a entidade a opción de poñer un ou dous días do club.

Por último, tódolos abonados gozarán dos tradicionais descontos nunha vintena de locais de Santiago e comarca, con algunha novidade que se irá anunciando a través das redes sociais do club.

Presentación da campaña

O acto de presentación da nova campaña de abonos realizouse onte na Sala de Trofeos do club, onde estiveron presentes Ramón Castro, director das Relacións Institucionais, Javier Puñal, director de márketing; e tres fieis branquiazuis: Álvaro Casas, xogador do primeiro equipo, Mari, da nova peña O Gato Félix, e Lola, das categorías inferiores.

O xogador da SD Compostela, precisamente, destacou a importancia de facerse abonado este ano, xa que lles achega unha axuda extra sobre o terreo de xogo. “Eses seguidores que nos acompañan no Vero Boquete, e polos diferentes campos de Galicia, fanse notar e motívanos moito. Ademais poden estar seguros que imos deixalo todo para que este sexa por fin o ano do ascenso”, remarcou.

Memorial Antonio Bermúdez

Por outra banda, o vindeiro mércores 24 de xullo, enmarcado dentro das Festas do Apóstolo, a SD Compostela disputará a cuarta edición do Memorial Antonio Bermúdez, no que se enfrontará ao Real Club Celta de Vigo “B”. O partido será ás 19.30 horas, con entrada gratuíta para os abonados e abonadas desta tempada e a 5€ para o resto (gratis os menores de idade).

Ese día, as oficinas tamén abrirán antes do encontro para realizar abonos, malia que non se recomenda deixalo para ese momento, xa que se pode prolongar o tempo de espera.

IMG_20190716_172114

Youtube

Instagram Compos

Flickr Amadeo Rey

  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2

Instagram Canteira

Twitter Canteira

Facebook

1 hour ago

SD Compostela
🤝 Este semana visitamos aos nosos amigos de Clínica & akt para facerlle un agasallo polo bo trato e o coidado dos nosos xogadores!🙌 Por exemplo, o seu tratamento coa tecnoloxía Indiba Activ foi fundamental para acelerar a recuperación de Pato!🦶 Ademais, os seus estudos biomecánicos da pisada permiten aos nosos coidar a súa saúde!💙 Moitas grazas por seguir un ano máis ao noso carón!!! ... See MoreSee Less
Ver en Facebook

3 hours ago

SD Compostela
𝐏𝐀𝐑𝐓𝐄 𝐌É𝐃𝐈𝐂𝐎Confirmouse a peor nova. As probas por imaxe (Resonancia Magnética Nuclear) realizadas a Samuel Rodriguez Noya confirmaron o primeiro diagnóstico de rotura do Ligamento cruzado anterior. Polo tanto, precisará reparación cirúrxica!💪 Moito ánimo, 𝐒𝐚𝐦𝐮!!! ESTAMOS CONTIGO!!! Volverás máis forte!!! ... See MoreSee Less
Ver en Facebook

19 hours ago

SD Compostela
🍻 Cos nosos amigos de Fútbol Mahou, onte despedimos a tempada coa entrega do 🏆 ao #JugadorCincoEstrellas, que recibiu 𝐃𝐚𝐫í𝐨 𝐆𝐞𝐫𝐦𝐢𝐥!!!💙 Os nosos pecharon a campaña cun evento de convivencia no Pub Lucille, previo ás vacacións de verán!!! ... See MoreSee Less
Ver en Facebook

All contents © copyright SD Compostela. All rights reserved.