Primo, o guerreiro volve ao Compos

4 de Novembro de 2019
Fichaxe Primo Twitter 1
  • O dianteiro cántabro firma ata final de tempada tralo seu paso por Islandia

Santiago de Compostela, a 28 de Outubro de 2019.

Xa é oficial. Óscar Conde Cruz “Primo” (24/06/1993) é novo xogador da SD Compostela. O guerreiro cántabro, que estivo a adestrar cos seus novos compañeiros nas últimas semanas, finalizou o pasado 31 de outubro o seu vínculo co UMF Grindavík islandés, asinando o seu regreso á entidade branquiazul. Unha tempada e tres meses despois, o dianteiro volve estar ás ordes de Yago Iglesias.

O Compos faise así cos servizos do punta desexado, un xogador querido por todos e que deixou unha enorme sensación no seu paso anterior pola capital galega, no curso 17/18. En San Lázaro, demostrou a súa capacidade goleadora, con 23 tantos entre a Liga e o Playoff, e unha mentalidade aguerrida que enganchou á afección, sendo un pesadelo para todas as defensas rivais. En total, disputou 38 encontros, partindo como titular en trinta e seis deles.

Ademais, aos seus vinte e seis anos, Primo atesoura unha dilatada experiencia no fútbol nacional, con seis tempadas en Terceira División e outras dúas en Segunda B, á que tamén suma a súa última aventura no país nórdico. Por tódolos lugares onde pasou, destacouse como un punta nato, cunha gran habilidade para levar a pelota á rede contraria. Así, na súa carreira deportiva, acumula sesenta e seis dianas na cuarta categoría, cun ascenso logrado no filial do Eibar, e outras dez na división de bronce.

Coa súa chegada, Primo pretende sacarse de encima esa espiña que se lle quedou cravada co club santiagués, xa que despois de lograr o título de liga, non foron capaces de lograr o salto de categoría. Esa experiencia vital deixouno marcado e agora quere quitala de enriba para beneplácito da parroquia branquiazul.

Tras estampar a súa firma, e a falta de que chegue o transfer, agárdase que estea dispoñible como branquiazul para esta próxima xornada. Así, terá vinte efectivos no seu plantel para lograr os obxectivos marcados. Os nosos marchan con bo pé na tempada e pretenden dar un salto máis con esta gran incorporación.

Youtube

Instagram Compos

Flickr Amadeo Rey

  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2

Instagram Canteira

Twitter Canteira

Facebook

14 hours ago

SD Compostela
✍️𝐌𝐚𝐧𝐞𝐥 𝐌𝐞𝐧é𝐧𝐝𝐞𝐳, novo adestrador da SD Compostela!!!💪 O técnico, coñecedor da categoría e con gran experiencia no fútbol profesional, chega ao Compos tras tres grandes campañas no Marino!!! ✍️ bit.ly/FichaxeManelCompos 💙 Benvido a Compostela, Manel!!! ... See MoreSee Less
Ver en Facebook

18 hours ago

SD Compostela
🤝 Este semana visitamos aos nosos amigos de Clínica & akt para facerlle un agasallo polo bo trato e o coidado dos nosos xogadores!🙌 Por exemplo, o seu tratamento coa tecnoloxía Indiba Activ foi fundamental para acelerar a recuperación de Pato!🦶 Ademais, os seus estudos biomecánicos da pisada permiten aos nosos coidar a súa saúde!💙 Moitas grazas por seguir un ano máis ao noso carón!!! ... See MoreSee Less
Ver en Facebook

20 hours ago

SD Compostela
𝐏𝐀𝐑𝐓𝐄 𝐌É𝐃𝐈𝐂𝐎Confirmouse a peor nova. As probas por imaxe (Resonancia Magnética Nuclear) realizadas a Samuel Rodriguez Noya confirmaron o primeiro diagnóstico de rotura do Ligamento cruzado anterior. Polo tanto, precisará reparación cirúrxica!💪 Moito ánimo, 𝐒𝐚𝐦𝐮!!! ESTAMOS CONTIGO!!! Volverás máis forte!!! ... See MoreSee Less
Ver en Facebook

2 days ago

SD Compostela
🍻 Cos nosos amigos de Fútbol Mahou, onte despedimos a tempada coa entrega do 🏆 ao #JugadorCincoEstrellas, que recibiu 𝐃𝐚𝐫í𝐨 𝐆𝐞𝐫𝐦𝐢𝐥!!!💙 Os nosos pecharon a campaña cun evento de convivencia no Pub Lucille, previo ás vacacións de verán!!! ... See MoreSee Less
Ver en Facebook

All contents © copyright SD Compostela. All rights reserved.