“Formar parte do ascenso do Compos sería a mellor maneira de pechar o meu ciclo de xuvenil”

21 de Xuño de 2020
lex Díaz Adestramento 1
Álex Díaz nun adestramento de preparación do playoff exprés.
  • Álex Díaz valora a experiencia que está a coller á beira dun porteiro como Pato

Santiago de Compostela, a 21 de Xuño de 2020.

Despois de lograr o ascenso a Liga Nacional co Xuvenil A, Álex Díaz ten a oportunidade de pechar o seu ciclo nas categorías basee da SD Compostela participando no playoff exprés para subir a Segunda B. O capitán do xuvenil ve este reto como unha oportunidade incrible para seguir mellorando, aprendendo dun porteiro como Pato, do que lle gustaría poder seguir os seus pasos.

En primeiro lugar, como levas esta volta aos adestramentos despois de tantos meses parado?

A verdade é que bastante ben, porque durante a corentena estivemos a adestrar por vídeo chamada tres veces á semana. E a maiores, facía adestramentos pola miña conta.

Que supón para ti estar a adestrar de novo co primeiro equipo para preparar o posible ascenso?

Pois agradécese unha chea que conten comigo para esta etapa da tempada e é unha moi boa experiencia o poder gozar dun mes máis de competición.

Como varían os adestramentos e a actitude dun día de semana de Liga a un de Playoff?

Pois, queiras que non, a motivación extra que supón un ascenso a Segunda División B nótase unha chea. A intensidade e a esixencia que hai nos adestramentos é algo que vexo positivo para poder mellorar.

 Que che pide o corpo técnico nos adestramentos?

Que dea a miña mellor versión de min e que, sobre todo, non retarde tanto o xogo (risas).

Para un canteirán, como ves a posibilidade de participar na loita polo ascenso e nun campo de Primeira División como Balaídos?

A verdade, é algo que aínda non me creo. O poder pisar un campo como ese, no que estiveron e están xogadores dese nivel, é algo incrible. E se xa se puidese celebrar un ascenso, sería algo único e incrible.

Veste debutando coa branquiazul en partido oficial?

Pois oxalá, a verdade, pero aínda quedan uns anos e hai que ir aos poucos.

Despois de lograr, como capitán, o ascenso co Xuvenil A, conseguilo co primeiro equipo sería o broche perfecto a unha tempada idílica, a túa última como xuvenil?

Se xa é incrible o poder ascender ao xuvenil, o poder dicir que formei parte do ascenso do Compos á Segunda B sería algo que se mo chegan a dicir a principio de tempada non mo creo, a verdade. Sería a mellor maneira de pechar o meu ciclo de xuvenil.

A nivel persoal, como te definirías como porteiro?

(Risas). A verdade é que non me gusta nada ter que definirme, creo que non me podo definir desde un punto de vista adecuado, pero se o tivese que facer sería como un porteiro que creo que destaca baixo os paus.

Que é o que máis che recalca Pablo Castro nos adestramentos?

Que bloque todo o que poida e deixe de adornarme tanto (risas).

Por último, que destacas de Pato e que ensinanzas tentas sacar dun porteiro con tanta experiencia?

O que máis destacaría del é a axilidade que ten baixo os paus e o golpeo de balón, que na miña opinión é dos mellores da liga. É todo un privilexio o poder adestrar todos os días e poder fixarme en alguén que leva tantos anos neste tipo de categorías e poder aprender tanto del. Oxalá algún día poida seguir os seus pasos.

Youtube

Instagram Compos

Flickr Amadeo Rey

  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2

Instagram Canteira

Twitter Canteira

Facebook

16 hours ago

SD Compostela
✍️𝐌𝐚𝐧𝐞𝐥 𝐌𝐞𝐧é𝐧𝐝𝐞𝐳, novo adestrador da SD Compostela!!!💪 O técnico, coñecedor da categoría e con gran experiencia no fútbol profesional, chega ao Compos tras tres grandes campañas no Marino!!! ✍️ bit.ly/FichaxeManelCompos 💙 Benvido a Compostela, Manel!!! ... See MoreSee Less
Ver en Facebook

20 hours ago

SD Compostela
🤝 Este semana visitamos aos nosos amigos de Clínica & akt para facerlle un agasallo polo bo trato e o coidado dos nosos xogadores!🙌 Por exemplo, o seu tratamento coa tecnoloxía Indiba Activ foi fundamental para acelerar a recuperación de Pato!🦶 Ademais, os seus estudos biomecánicos da pisada permiten aos nosos coidar a súa saúde!💙 Moitas grazas por seguir un ano máis ao noso carón!!! ... See MoreSee Less
Ver en Facebook

22 hours ago

SD Compostela
𝐏𝐀𝐑𝐓𝐄 𝐌É𝐃𝐈𝐂𝐎Confirmouse a peor nova. As probas por imaxe (Resonancia Magnética Nuclear) realizadas a Samuel Rodriguez Noya confirmaron o primeiro diagnóstico de rotura do Ligamento cruzado anterior. Polo tanto, precisará reparación cirúrxica!💪 Moito ánimo, 𝐒𝐚𝐦𝐮!!! ESTAMOS CONTIGO!!! Volverás máis forte!!! ... See MoreSee Less
Ver en Facebook

2 days ago

SD Compostela
🍻 Cos nosos amigos de Fútbol Mahou, onte despedimos a tempada coa entrega do 🏆 ao #JugadorCincoEstrellas, que recibiu 𝐃𝐚𝐫í𝐨 𝐆𝐞𝐫𝐦𝐢𝐥!!!💙 Os nosos pecharon a campaña cun evento de convivencia no Pub Lucille, previo ás vacacións de verán!!! ... See MoreSee Less
Ver en Facebook

All contents © copyright SD Compostela. All rights reserved.