“Ter a oportunidade de adestrar co Compos supón unha gran melloría a nivel futbolístico”

24 de Xuño de 2020
Christian Fernández Adestramento 1
Christian Fernández, á esquerda, durante un adestramento de preparación do playoff.
  • Christian, tras dous ascensos consecutivos na base, agarda lograr un terceiro co primeiro equipo

Santiago de Compostela, a 24 de Xuño de 2020.

No seu primeiro ano na categoría, Christian Fernández acadou o ascenso co Xuvenil A e sendo un dos máximos goleadores da Liga. Agora, o dianteiro, que leva adestrando todo o ano co primeiro equipo, agarda que a SD Compostela consiga gañar este playoff exprés. A nivel persoal, o poder participar, será unha oportunidade única e xéralle moita ilusión.

En primeiro lugar, como levas a volta aos adestramentos logo de varios meses parado?

Pois a verdade é que bastante ben, pensei que sería peor despois de tantos meses parado. O obxectivo agora é coller un bo ritmo o máis rápido posible.

Sendo xuvenil de primeiro ano e participando toda a tempada nos adestramentos do primeiro equipo, que supón para ti a posibilidade de estar presente nesta fase decisiva da tempada?

Persoalmente, suponme moita alegría e ilusión. Teño que dar as grazas ao corpo técnico porque sigan crendo en min e agradecerlles que queiran contar comigo nesta fase tan importante da tempada para seguir axudándolles.

Que che pide o corpo técnico?

A pesar de que nunca mantiven unha conversación con eles sobre iso, soamente polo que falei con Castiñeiras antes de ir adestrar con eles, que traballe, que me esforce e que o faga o mellor posible.

Consideras que ter a posibilidade de adestrar tódalas semanas co primeiro equipo che axuda a mellorar como futbolista?

Claro que si. Ter a oportunidade de adestrar cun equipo como é a SD Compostela, que loita polo ascenso a Segunda B cada ano, supón unha gran melloría a nivel futbolístico, xa que estás rodeado de xente que te apoia e que che intenta axudar a mellorar cada día.

En que xogadores do Compos intentas fixarte?

Pois, persoalmente, fíxome en todos os xogadores do plantel, porque de todos podes aprender cousas que che van a servir a ti para o futuro e para seguir crecendo como futbolista. A verdade é que intento fixarme algo máis nos xogadores de ataque, que é a posición onde xogo habitualmente.

Falando da túa posición, que destacarías de Primo e Brais Abelenda como dianteiros? Soñas con compartir terreo de xogo con eles para loitar polo ascenso?

Primo e Brais creo que son moi bos xogadores e os dous teñen moito gol. A verdade é que intento fixarme en todo o que fan no terreo de xogo, tanto ofensivamente como defensivamente, para seguir aprendendo e mellorando como futbolista.

Sería unha oportunidade única poder compartir terreo de xogo tanto con eles como co resto de compañeiros. Oxalá se poida dar esa oportunidade.

Cres que veremos ao Compos o ano que vén en Segunda B?

É unha forma de ascenso distinta debido á covid-19, a partido único e contra bos rivais, pero si que espero que se poida lograr ese ascenso que levan moitos anos loitando.

Logo de acadar o ascenso co Cadete A, no teu primeiro ano na categoría, tamén o acadas co Xuvenil A. Pódese dicir que tes duende para os ascensos?

Foron dous anos moi bos, nos que logrei dous ascensos consecutivos e oxalá se poida dicir que teña ese duende para os ascensos se así a SD Compostela o logra tamén este ano.

De cara a vindeira tempada, contas de ser a referencia en ataque do Xuvenil de Liga Nacional?

Está claro que van chegar bos xogadores ao equipo para intentar facer un bo ano. Aínda así, agardo ser a referencia en ataque do Xuvenil A e intentar axudar ao equipo o máximo posible en todo o que poida.

Youtube

Instagram Compos

Flickr Amadeo Rey

  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1

Instagram Canteira

Twitter Canteira

Facebook

7 hours ago

SD Compostela
🙌 𝐅𝐈𝐂𝐇𝐀𝐗𝐄 🩵🤍💪 Santi de Prado está de volta! A SD Compostela 24.25 refórzase cun correcamiños para a banda⚽️ Regresa ao Compos para seguir co seu crecemento tras unha sensacional campaña na UD Ourense 𝐒𝐚𝐧𝐭𝐢 𝐝𝐞 𝐏𝐫𝐚𝐝𝐨 🩵🤍✍️ sdcompostela.com/2024/06/20/santi-de-prado-fichaje-sd-compostela/#benvidosantideprado ... See MoreSee Less
Ver en Facebook

1 day ago

SD Compostela
🙌 𝐑𝐄𝐍𝐎𝐕𝐀𝐂𝐈𝐎́𝐍 🩵🤍💪 Gonzalo Landeira ascende ao primeiro plantel do Compos para a Tempada 24.25⚽️ O mediocentro da Canteira Picheleira amplía tamén o seu contrato ata 2025𝐋𝐚𝐧𝐝𝐞𝐢𝐫𝐚 🩵🤍✍️ sdcompostela.com/2024/06/19/landeira-canteira-picheleira-compos/#gonzalolandeira2025 ... See MoreSee Less
Ver en Facebook

2 days ago

SD Compostela
🙌 𝐅𝐈𝐂𝐇𝐀𝐗𝐄 🩵🤍💪 Rabanillo, un seguro baixo paus para a portería da SD Compostela ⚽️ O experimentado porteiro, que ven de realizar un gran ano no Club Deportivo Guijuelo, firma por unha tempada𝐑𝐚𝐛𝐚𝐧𝐢𝐥𝐥𝐨 🩵🤍✍️ sdcompostela.com/2024/06/18/rabanillo-fichaje-portero-compos-2425/#benvidorabanillo ... See MoreSee Less
Ver en Facebook

3 days ago

SD Compostela
🙌 𝐅𝐈𝐂𝐇𝐀𝐗𝐄 🩵🤍💪 Manu Rivas regresa ao Compos para a Tempada 24.25⚽️ O canteirán branquiazul seguirá coa súa gran proxección no Compos tras destacar no Atlético Arteixo𝐌𝐚𝐧𝐮 𝐑𝐢𝐯𝐚𝐬 🩵🤍✍️ sdcompostela.com/2024/06/17/manu-rivas-canterano-vuelve-compos/#benvidomanurivas ... See MoreSee Less
Ver en Facebook

5 days ago

SD Compostela
🙌 DOUS DOS NOSOS 🩵🤍💪 Álvaro Casas e Pablo Antas seguirán na Tempada 24.25⚽️ Será a 8ª e 6ª campaña, respectivamente, dos dous capitáns do Compos ✍️ sdcompostela.com/2024/06/15/alvaro-casas-pablo-antas-compos-2025/#álvarocasas2025 #pabloantas2025 ... See MoreSee Less
Ver en Facebook

All contents © copyright SD Compostela. All rights reserved.