A primeira pedra do camiño á Segunda B

17 de Xullo de 2020
  • Yago Iglesias recalca que o equipo chega moi ben preparado á cita de mañá

Santiago de Compostela, a 17 de Xullo de 2020.

Cando arrancou a pretempada fai un ano, o obxectivo do equipo era chegar ao playoff con dous partidos por diante para ascender. Logo de 12 meses, e coas circunstancias que tiveron lugar aparte, chega esa primeira pedra do camiño á Segunda B. Mañá, ás 19.30, os nosos saltarán ao Estadio Municipal Abanca Balaídos para loitar polo pase á final, unha cita a que, segundo Yago Iglesias, o equipo chega moi ben preparado.

“O equipo véxoo ben, con moitas gañas de que chegue o momento de saltar ao campo. As seis semanas de preparación pasaron voando e agora chega o que todos estabamos desexando. Mañá, ás 19.30, poderemos ver, de novo, rodar o balón con acento galego, nun escenario tan bonito como é Balaídos e nunha cita tan agardada como son os playoff”, analizou o adestrador na rolda de prensa previa ao encontro.

A pouco máis de 24 horas para saír a xogar, o corpo técnico terá a todos os seus xogadores á súa disposición, coa dúbida da sanción a Pablo Antas. “Alegamos a prescrición de tempo na quinta tarxeta, pero foi rexeitada. Ao longo deste día vaise a facer unha reclamación e agardamos que todos teñamos as mesmas condicións”, sinalou o técnico, en referencia tamén a decisión do TAD.

Quen non poderá estar no banco será o propio Yago, xa que a sanción do último encontro lle obrigará a ver a contenda dende a grada. “Prefiro ter a tódolos xogadores dispoñibles e quedar eu na bancada. Tendo no corpo técnico a Rodri e Álex, así como outra xente que está no banco, estou tranquilo. O noso traballo xa está feito, agora tócalles aos xogadores. O partido está máis que traballado e o equipo chega moi ben preparado”, destacou.

Nese aspecto, unha premisa que teñen todos moi clara é a de saír gañar, porque todos parten en igualdade de condicións. “Neste formato, estamos todos a dous partidos do ascenso. É certo que o de non encaixar gol nos favorece, pero non pensamos niso nin tampouco estamos relaxados. Iso si, haberá que saber manexar os tempos de partido e tamén botar un pouco de experiencia”, comentou.

Do mesmo xeito, os nosos terán que atender a outros factores como aspecto anímico ou a calor, pero teñen moi claro cal é o plan a seguir. “Esta é unha situación súper agradable, o volver a xogar outro playoff. Chegamos máis ilusionados, con máis humildade e, directamente, máis preparados que nunca. Temos a dúbida de como responderá o equipo despois de tanto tempo sen xogar, pero as sensacións que deu ao longo de todo o ano fan que sexamos moi optimistas”, remarcou  Yago Iglesias ante os medios de comunicación.

En canto ao rival que terán enfronte, o CD Barco, o técnico destacou a calidade dos seus xogadores, en especial, de medio campo cara a adiante. “Levan anos pelexando por entrar entre os catro primeiros e cada ano confeccionan planteis moi competitivos. Teñen xogadores con pasado en Segunda B como Juanito Bazo, Ivi Vales ou Rubén García e a iso hai que sumarlle a ilusión e as gañas que teñen. En conxunto, fano un equipo moi perigoso”, advertiu.

Por outra parte, o adestrador branquiazul tamén quixo mandar unha mensaxe a afección, recalcando na necesidade de ser cívicos. “Mañá queremos darlle unha alegría á afección, pero desde aquí queremos transmitirlle que queden na casa, que collan uns bos aperitivos e que desfruten do seu Compos dende o fogar. Sabemos que estamos perfectamente apoiados, sentimos o seu apoio e cariño polas redes sociais e mañá xogaremos coa cabeza, co corazón e coa garra que nos transmiten”, relatou.

Con esa cabeza, con ese corazón e con esa garra, os branquiazuis loitarán pola pase á gran final. Concienciados co que teñen por diante, e con moita ilusión, os nosos pelexarán por superar esta primeira pedra no camiño á Segunda B.

Youtube

Instagram Compos

Noticias Recientes

Flickr Amadeo Rey

  • OURENSE- 2 COMPOSTELA- 0
  • OURENSE- 2 COMPOSTELA- 0
  • OURENSE- 2 COMPOSTELA- 0
  • OURENSE- 2 COMPOSTELA- 0
  • OURENSE- 2 COMPOSTELA- 0
  • OURENSE- 2 COMPOSTELA- 0

Instagram Canteira

Twitter Canteira

Facebook

4 hours ago

SD Compostela
𝐂𝐎𝐍𝐕𝐎𝐂𝐀𝐓𝐎𝐑𝐈𝐀 🩵🤍🙌 OS NOSOS para o derbi de mañá, ás 16.15 no Estadio da Magdalena, contra o RACING CLUB VILLALBÉS 👨‍🏫 Michel Alonso cita a dezaoito xogadores para o gran encontro en terras chairegas #villalbéscompos ... See MoreSee Less
Ver en Facebook

1 day ago

SD Compostela
🎙️ 𝐑𝐝𝐏 | 🗣️ PREVIA de Michel Alonso antes do derbi deste domingo, ás 16.15 na Magdalena, contra o RACING CLUB VILLALBÉS🙌 O técnico destacou a importancia da vitoria para manterse nos postos de playoff#villalbéscompos ... See MoreSee Less
Ver en Facebook

2 days ago

SD Compostela
🎟️ 𝐄𝐍𝐓𝐑𝐀𝐃𝐀𝐒 vs RACING CLUB VILLALBÉS 🙌 Estarán a venta o domingo no despacho de billetes do Estadio da Magdalena🎫 Prezo das entradas: 15€. Menores de 14 anos: Gratis 🩵🤍 Agárdanos un gran encontro en terras lucenses#villalbéscompos ... See MoreSee Less
Ver en Facebook

2 days ago

SD Compostela
Confirmado o próximo partido na casa, un encontro solidario e especial! 🩵🤍⚽️ X25🆚 RS Gimnástica🗓️ 03.03.24⏰ 16.45🏟️ Vero Boquete🤝 𝐏𝐚𝐭𝐫𝐨𝐜𝐢𝐧𝐚 Banco de Alimentos Rías Altas (BALRIAL Santiago)🎟️ Entrada gratuíta para todos aqueles que doen algún dos produtos do listado! 🚪 Os voluntarios do Banco de Alimentos estarán nas Portas de Acceso o día de partido recollendo os produtos que lle fagades chegar!💪 Axuda ao Banco coa súa gran labor, neste caso, achegando alimentos non perecedeiros!#composgimnástica #unnovocamiño ... See MoreSee Less
Ver en Facebook

3 days ago

SD Compostela
🩵🤍 O primeiro de moitos ⚽️👏 Hugo Matos estreouse este sábado como goleador en partido oficial da SD Compostela 🙌 Un premio a un encontro e unha tempada redonda para o noso canteirán#composfabril ... See MoreSee Less
Ver en Facebook

All contents © copyright SD Compostela. All rights reserved.