Bicho, de volta en Segunda B co Compos

9 de Agosto de 2020
Renovación Bicho 1
  • Tras dúas etapas de medio ano, o mediapunta renovou o seu contrato por unha tempada

Santiago de Compostela, a 9 de Agosto de 2020.

Javier Fernández Abruñedo, Bicho, regresa á Segunda B e faio da man do Compos. O mediapunta sadense, tras dúas etapas de medio ano na entidade compostelanista, renovou o seu contrato por unha tempada para seguir gozando do fútbol no Vero Boquete de San Lázaro.

Aos seus 24 anos, o novo futbolista branquiazul está de volta nunha categoría que coñece moi ben, debido a que xa xogou nela catro campañas, acumulando 75 encontros. Con toda esa experiencia acumulada nas filas do FC Barcelona B, Racing Club de Ferrol, RC Deportivo Fabril e a propia SD Compostela, tentará axudar ao club para lograr os seus obxectivos.

Deste xeito, o Compos seguirá contando coa enorme calidade dun xogador diferencial, que destaca pola súa capacidade para o último pase e o seu bo golpeo de balón. Estas calidades quedaron patentes desde o seu regreso á capital galega, sendo moi protagonista na consecución do ansiado ascenso á división de bronce do fútbol nacional.

A pesar de que só puido disputar sete encontros, como consecuencia do parón da competición polo coronavirus, a súa adaptación ao equipo foi moi rápida e iso plasmouse sobre o terreo de xogo. Especialmente, o seu fútbol notouse nun playoff exprés no que asinou a asistencia do primeiro gol contra o CD Barco. A esta, sumou algunha máis en liga, como no partido contra o Bergantiños, así como un gol na visita a Abegondo.

Coa súa renovación, Yago Iglesias conta xa con once xogadores para a campaña de regreso do Compos á Segunda B: Pato Guillén, Borja Rey, Álvaro Casas, Samu, Baleato, Pablo Antas, Josiño, Bicho, Juampa, Gabri Palmás e Brais Abelenda.

Youtube

Instagram Compos

Flickr Amadeo Rey

  • OURENSE- 2 COMPOSTELA- 0
  • OURENSE- 2 COMPOSTELA- 0
  • OURENSE- 2 COMPOSTELA- 0
  • OURENSE- 2 COMPOSTELA- 0
  • OURENSE- 2 COMPOSTELA- 0
  • OURENSE- 2 COMPOSTELA- 0

Instagram Canteira

Twitter Canteira

Facebook

6 hours ago

SD Compostela
𝐂𝐑Ó𝐍𝐈𝐂𝐀 ✍🤝 O Compos sumou un novo punto en Vilalba tras empatar 0⃣-0⃣ contra o @racingvillalbes🙌 Os nosos seguen en postos de playoff unha semana máis#VillalbésCompos ... See MoreSee Less
Ver en Facebook

6 hours ago

SD Compostela
🔚 FINALRACING CLUB VILLALBÉS0️⃣-0️⃣COMPOS #villalbéscompos ... See MoreSee Less
Ver en Facebook

7 hours ago

SD Compostela
𝐃𝐄𝐒𝐂𝐀𝐍𝐒𝐎 ⏸RACING CLUB VILLALBÉS0⃣-0️⃣COMPOS 🩵🤍 #villalbéscompos ... See MoreSee Less
Ver en Facebook

7 hours ago

SD Compostela
🩵🤍 𝐎𝐒 𝐍𝐎𝐒𝐎𝐒🙌 ONCE do COMPOS para o derbi contra o RACING CLUB VILLALBÉS👨‍🏫 A entrada de David Grande, na punta do ataque, a única novidade na aliñación dos nosos#villalbéscompos ... See MoreSee Less
Ver en Facebook

8 hours ago

SD Compostela
𝐎𝐒 𝐍𝐎𝐒𝐎𝐒 💛🖤#villalbéscompos ... See MoreSee Less
Ver en Facebook

All contents © copyright SD Compostela. All rights reserved.