Joel, xuventude e polivalencia para a zona central

12 de Agosto de 2020
Fichaje Joel 1
  • O xogador, de 21 anos, pode actuar de medio ou central e firma por dúas tempadas procedente do Racing Club de Ferrol

Santiago de Compostela, a 12 de Agosto de 2020.

A SD Compostela 20/21 contará no seu regreso á Segunda División B coa xuventude e polivalencia de Joel López López (18/04/99). O xogador ferrolán, que pode actuar como mediocentro ou como central, firma por dúas tempadas procedente do Racing Club de Ferrol, onde militou as últimas dúas campañas, as súas primeiras como sénior.

Aos seus 21 anos, Joel destaca por ser un futbolista moi intenso, aguerrido e cun bo trato de balón para sacalo xogado, calidades moi valoradas pola dirección deportiva do club. Con este reforzo, que se adapta á perfección ao perfil que se estaba buscando, Yago Iglesias atopará máis alternativas na zona central do campo.

Os primeiros pasos da carreira deportiva deste canteirán do Real Club Deportivo da Coruña, conxunto no que chegou a adestrar co primeiro equipo, estiveron ligados ao Racing Club de Ferrol. Á súa cidade natal chegou cedido polo cadro coruñés, logrando o ascenso a Segunda División B no seu debut. Tras logralo, o curso pasado estivo presente no plantel departamental na división de bronce do fútbol nacional, malia que a súa participación foi menor.

No seu primeiro ano de sénior, Joel disputou 28 encontros, 18 como titular, sendo un xogador importante na consecución do título ligueiro e o posterior salto de categoría. A pesar da súa mocidade e da enorme competencia, fíxose un oco nos esquemas de Emilio Larraz, demostrando as súas calidades con grandes actuacións. Ademais, nese curso, anotou un gol.

Con todo, a pasada campaña, xa en Segunda B, a súa presenza quedou relegada a catro partidos, tres de liga e un de Copa do Rey. Neles, foi titular en dous, nas xornadas 23 e 24, coincidindo con dúas saídas consecutivas do equipo, nas que logrou unha vitoria.

Tras os seus inicios en Ferrol, Joel afronta agora unha nova etapa na súa vida futbolística. Por iso, chega á capital de Galicia con moita ilusión e con moitas gañas de seguir crecendo, tanto no plano persoal como no colectivo.

Coa súa incorporación, que supón a terceira fichaxe para o Compos de Segunda B, Yago Iglesias xa conta con catorce xogadores en nómina: Pato, Borja Rey, Sergio Pereira, Álvaro Casas, Soto, Joel, Samu, Baleato, Pablo Antas, Bicho, Josiño, Juampa, Gabri Palmás e Brais Abelenda.

Youtube

Instagram Compos

Flickr Amadeo Rey

  • PONTEVEDRA- 3 COMPOSTELA- 0
  • PONTEVEDRA- 3 COMPOSTELA- 0
  • PONTEVEDRA- 3 COMPOSTELA- 0
  • PONTEVEDRA- 3 COMPOSTELA- 0
  • PONTEVEDRA- 3 COMPOSTELA- 0
  • PONTEVEDRA- 3 COMPOSTELA- 0

Instagram Canteira

Twitter Canteira

Facebook

2 hours ago

SD Compostela
🩵🤍 𝐎𝐒 𝐍𝐎𝐒𝐎𝐒 | Míchel Alonso🙌🏻 ONCE do COMPOS para o partido ante o @realoviedo Vetusta!👨‍🏫 Borja Rey como novidade baixo os paus!💪🏻 IMOS A POLO TRIUNFO!#ComposVetusta ... See MoreSee Less
Ver en Facebook

3 hours ago

SD Compostela
🤝 𝐏𝐀𝐑𝐓𝐈𝐃𝐎 𝐏𝐀𝐓𝐑𝐎𝐂𝐈𝐍𝐀𝐃𝐎 ✖️ O Pan de Leis 🥖 Un ano máis, a panadaría apoia o proxecto do Compos!!!⚽️ Patrocina a David Soto e tamén o encontro desta matinal, ás 12.00 horas no Vero Boquete, ante o Real Oviedo Vetusta!!!🙌 GRAZAS!!!#composvetusta #unnovocamiño ... See MoreSee Less
Ver en Facebook

5 hours ago

SD Compostela
𝐌𝐀𝐓𝐂𝐇𝐃𝐀𝐘 🩵🤍💪 TODOS XUNTOS, A POR UN GRAN TRIUNFO!!!🆚 Real Oviedo Vetusta⏰ 12.00🏟️ Vero Boquete🎟️ app.cluber.es/clubes/64770af75c3ab340920086/pagos/6566fd34cb3f3943395285📺 En Xogo 🙌 APOIA AOS NOSOS NESTE PARTIDAZO MATINAL NA NOSA CASA!!! #composvetusta #unnovocamiño ... See MoreSee Less
Ver en Facebook

19 hours ago

SD Compostela
𝐂𝐎𝐍𝐕𝐎𝐂𝐀𝐓𝐎𝐑𝐈𝐀 | Míchel 🩵🤍🙌 OS NOSOS para o encontro de mañá no Estadio Vero Boquete, ás 12.00 horas, contra o @realoviedo Vetusta!💪 Míchel chama a varios reforzos da @canteirapicheleira #ComposVetusta ... See MoreSee Less
Ver en Facebook

1 day ago

SD Compostela
Hoxe está de aniversario, Samu Araujo!!! 🩵🤍🎂 Moitos parabéns, Samu!!! 💪 Oxalá poder celebralo mañá cunha nova vitoria na nosa casa!!! ... See MoreSee Less
Ver en Facebook

All contents © copyright SD Compostela. All rights reserved.