A SD Compostela lanza unha ilusionante campaña de abonos

1 de Setembro de 2020
Presentación Campaña Abonos 1
  • O lema da campaña, “#AIlusióndeSantiago”, fai mención á ilusión polo regreso á Segunda División B e ao sentido de pertenza coa cidade
  • Pódense realizar os abonos desde mañá (2 de setembro) na Tenda, Oficinas do Club ou na Web
  • Os abonados da Tempada 19/20 terán un 25% desconto, acumulable a un 10% máis se se destina o 75% do abono á Fundación SD Compostela
  • O abono será virtual, cun suplemento de 5€ para o abono físico
  • Abrirase Tribuna e Preferencia e créase o “Abono Siareiro”, para aqueles seguidores que residan fose de Santiago

Santiago de Compostela, a 1 de Setembro de 2020.

Unha tempada ilusionante, así se presenta a volta á Segunda División B para a SD Compostela. O club regresa á división de bronce do fútbol nacional e alí espera estar acompañado, de novo, dos seus máis fieis seguidores. Por iso, a campaña de abonos deste ano leva o lema de “#AIlusióndeSantiago”, en referencia ao sentido de pertenza coa cidade.

Con esta premisa, a entidade branquiazul pon mañá (mércores 2 de setembro) á venda os abonos da Tempada 2020/21, un curso no que se abrirá de novo a bancada de Preferencia. A campaña virá marcada polo 25% de desconto que terán os abonados do curso pasado e este poderase acumular tamén ao 10% de desconto que recibirán todos aqueles que destinen o 75% do seu abono á Fundación SD Compostela.

Ata tres serán as opcións para poder darse de alta ou renovar o abono da SD Compostela. Por vía presencial poderase realizar nas Oficinas do Club (de luns a venres de 10.00 a 13.00 e de 16.00 a 20.00) e na Tenda Oficial do Club, Rúa da Raíña 8 (de martes a sábado, de 11.00 a 14.00 e de 17.00 a 21.00). A maiores, tamén se habilita a vía telemática, a través do banner situado na páxina principal da web do club (www.sdcompostela.com) ou na pestana web de “Abónate”.

Nesta ocasión, o rango de prezos dividirase entre Tribuna e Preferencia. Con esta dobre opción multiplícanse as posibilidades para abonarse. Por outra banda, mantéñense os descontos para xubilados, parados e menores de 30 anos, así como para os menores de idade, quen só pagarán unha mínima cantidade no caso de ir a Tribuna.

Os prezos quedan da seguinte maneira:

TRIBUNA

–              Xeral: 120€

–              Xubilados e parados: 100€

–              Menores de 30 anos: 90€

–              Menores de Idade: 10€ (Non inclúe o desconto da Fundación).

–              Empresas (6 Abonos): 600€ (Só por transferencia na conta do club)

PREFERENCIA

–              Xeral: 120€

–              Xubilados e parados: 100€

–              Menores de 30 anos: 80€

–              Menores de Idade: Gratis

–              Empresas (6 Abonos): 540€ (Só por transferencia na conta do club)

A maiores, como novidade, engádese a opción do “Abono Siareiro”, para aquelas persoas que non residan en Santiago (envío gratuíto só á Península Ibérica). Este terá un prezo de 25€ e levará consigo o envío dunha bufanda, un llavero, un pin e a asistencia a un partido da tempada que non sexa medio día do club. Neste caso, recoméndase poñerse en contacto coa entidade a través do mail tienda@sdcompostela.com.  

Estes prezos corresponden co Abono Virtual, o cal portará cada abonado no seu teléfono móbil. No caso de que o desexen en formato físico, este terá un suplemento de 5€. Por outra banda, este ano non haberá reserva de asento debido á situación sanitaria provocada pola covid-19. Os abonos inclúen todos os partidos de Liga Regular, fóra dos partidos que sexan declarados como medios días do club.

Por último, todos os abonados gozarán dos tradicionais descontos en locais de Santiago e comarca que colaboren coa SD Compostela, os cales se irán anunciando a través das redes sociais do club.

Presentación da campaña

O acto de presentación da nova campaña de abonos realizouse esta mañá na Sala de Trofeos do club, onde estiveron presentes Ramón Castro, director das Relacións Institucionais e Javier Puñal, director de márketing e desenvolvemento de negocio.

O propio Javier quixo agradecer a todos os patrocinadores que axudan ao club nesta nova tempada. Ademais, animou á xente a que se abone e que se involucre co club “nunha tempada ilusionante”.

Youtube

Instagram Compos

Flickr Amadeo Rey

  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1

Instagram Canteira

Twitter Canteira

Facebook

16 hours ago

SD Compostela
🙌 𝐑𝐄𝐍𝐎𝐕𝐀𝐂𝐈𝐎́𝐍 🩵🤍💪 Gonzalo Landeira ascende ao primeiro plantel do Compos para a Tempada 24.25⚽️ O mediocentro da Canteira Picheleira amplía tamén o seu contrato ata 2025𝐋𝐚𝐧𝐝𝐞𝐢𝐫𝐚 🩵🤍✍️ sdcompostela.com/2024/06/19/landeira-canteira-picheleira-compos/#gonzalolandeira2025 ... See MoreSee Less
Ver en Facebook

2 days ago

SD Compostela
🙌 𝐅𝐈𝐂𝐇𝐀𝐗𝐄 🩵🤍💪 Rabanillo, un seguro baixo paus para a portería da SD Compostela ⚽️ O experimentado porteiro, que ven de realizar un gran ano no Club Deportivo Guijuelo, firma por unha tempada𝐑𝐚𝐛𝐚𝐧𝐢𝐥𝐥𝐨 🩵🤍✍️ sdcompostela.com/2024/06/18/rabanillo-fichaje-portero-compos-2425/#benvidorabanillo ... See MoreSee Less
Ver en Facebook

3 days ago

SD Compostela
🙌 𝐅𝐈𝐂𝐇𝐀𝐗𝐄 🩵🤍💪 Manu Rivas regresa ao Compos para a Tempada 24.25⚽️ O canteirán branquiazul seguirá coa súa gran proxección no Compos tras destacar no Atlético Arteixo𝐌𝐚𝐧𝐮 𝐑𝐢𝐯𝐚𝐬 🩵🤍✍️ sdcompostela.com/2024/06/17/manu-rivas-canterano-vuelve-compos/#benvidomanurivas ... See MoreSee Less
Ver en Facebook

5 days ago

SD Compostela
🙌 DOUS DOS NOSOS 🩵🤍💪 Álvaro Casas e Pablo Antas seguirán na Tempada 24.25⚽️ Será a 8ª e 6ª campaña, respectivamente, dos dous capitáns do Compos ✍️ sdcompostela.com/2024/06/15/alvaro-casas-pablo-antas-compos-2025/#álvarocasas2025 #pabloantas2025 ... See MoreSee Less
Ver en Facebook

6 days ago

SD Compostela
🙌 𝐅𝐈𝐂𝐇𝐀𝐗𝐄 🩵🤍💪 Diego González únese ao proxecto da SD Compostela para a Tempada 24.25⚽️ O centrocampista chega de destacar no Guijuelo e firma por unha campaña✍️ sdcompostela.com/2024/06/14/diego-gonzalez-fichaje-compos-2425/#benvidodiegogonzález ... See MoreSee Less
Ver en Facebook

All contents © copyright SD Compostela. All rights reserved.