- O club tomou esta decisión tras as novas medidas da Xunta para a área de Santiago
Santiago de Compostela, a 4 de Setembro de 2020.
A pretempada da SD Compostela volve sufrir un novo cambio tras as medidas anunciadas pola Xunta de Galicia para a área de Santiago. Seguindo os protocolos do ente autonómico, o equipo branquiazul dividirase na sesión de hoxe, e a próxima semana, en tres grupos, para non superar o máximo de dez xogadores.
Deste xeito, os primeiros en arrincar a matinal, ás 9.45 horas, serán Gabri Palmás, Josiño, Hugo Sanmartín, Miki, Soto, Roque e Axel. O segundo grupo estará composto por Bicho, Baleato, Joel, Samu, Pablo Antas, Óscar Remuiñán, Manu Rivas e Saro. Por último, o terceiro grupo, estará formado por Juampa, Jimmy, Sergio Pereira, Primo, Christian, Álvaro Casas, Yosi e Brais Abelenda.
Pola súa banda, os tres porteiros, Pato, Borja Rey e Iker Caballero, adestrarán aparte con Pablo Castro.
