Guille Torres: “O proxecto que me transmitiu Manu chamoume a atención dende o primeiro contacto”

1 de Outubro de 2020
Presentación Guille Torres 1 1
Guille Torres (centro) acompañado de Manuel Castiñeiras e Lalo Crespo, director do Hotel Oca Puerta del Camino.
  • O novo central branquiazul foi presentado este mediodía no Hotel Oca Puerta del Camino, patrocinador do club un ano máis

Santiago de Compostela, a 25 de Setembro de 2020.

Guille Torres Gómez xa posa coa camiseta branquiazul. O novo central da SD Compostela foi presentado este mediodía no Hotel Oca Puerta del Camino, patrocinador do club un ano máis e que acolleu ao xogador nos seus primeiros días na capital galega. Acompañado por Lalo Crespo, director do hotel, e Manu Castiñeiras, director deportivo branquiazul, Guille mostrouse moi ilusionado por esta oportunidade e con moitas ganas de coñecer aos seus novos compañeiros.

“Cando falei con Manu Castiñeiras, o proxecto que me transmitiu chamoume a atención desde o primeiro contacto. Ademais, chámame o club, porque o Compos todos sabemos que é un histórico, e nestes primeiros días na cidade a verdade é que todo son palabras boas”, comentou o central ante os medios de comunicación.

Nas súas primeiras verbas como xogador branquiazul remarcou que, a pesar da súa polivalencia, decántase pola posición no centro da zaga, aínda que está disposto a achega onde sexa. “Considérome un xogador polivalente, pero onde máis cómodo atópome é de central zurdo. Aínda así, o ano pasado xa xoguei algún partido de lateral e mesmo de pivote defensivo”, explicou.

Ademais da súa capacidade para adaptarse a varias posicións, comentou que vén “para achegar xa sexa con minutos, coa súa frescura e a sumar sexa desde onde sexa, e se é coa confianza do míster, moito mellor”.

A pesar de que estivo sen equipo ata a data, Guille asegurou que chega ben de forma, debido a que non parou nestes meses. “Este verán non parei, estiven activo adestrando pola miña conta, polo que veño con ganas de sumar e de chegar a tope á primeira semana de liga”, adiantou.

De cara ao campionato, nun subgrupo que considerou como moi complicado, ve ao equipo preparado para competir contra todos, xa que seguiu á SD Compostela desde que coincidiu con ela fai tres tempadas. “Cando estaba na canteira do Espanyol, empezoume a soar o Compos cando coincidiron na eliminatoria de ascenso a Segunda División B. Desde aquela collín referencias e deime conta da grandeza deste club, o cal foi tamén un plus para vir a aquí”, concluíu.

Despois de varios días na cidade, nos que aproveitou para aclimatarse e facer algo de turismo, Guille Torres coñecerá esta tarde aos seus novos compañeiros, na que será a súa primeira sesión de adestramento ás ordes de Yago Iglesias.

Youtube

Instagram Compos

Flickr Amadeo Rey

  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2

Instagram Canteira

Twitter Canteira

Facebook

3 hours ago

SD Compostela
⚽️ 𝐗𝐨𝐫𝐧𝐚𝐝𝐚𝐬 𝐝𝐞 𝐩𝐨𝐫𝐭𝐚𝐬 𝐚𝐛𝐞𝐫𝐭𝐚𝐬 na 𝐂𝐚𝐧𝐭𝐞𝐢𝐫𝐚 𝐏𝐢𝐜𝐡𝐞𝐥𝐞𝐢𝐫𝐚!!!🙌 Ven probar á SD Compostela ou ao Conxo Santiago neste mes de xuño e desfruta da experiencia da nosa canteira!!!⚽️ Adestramentos gratuítos para tod@s!!! Infórmate!!! ... See MoreSee Less
Ver en Facebook

1 day ago

SD Compostela
💙 Queremos felicitar ao noso 🧙‍♂️ de Monterroso, 𝐏𝐚𝐛𝐥𝐨 𝐀𝐧𝐭𝐚𝐬, que esta semana foi pai dunha nena!!! 👶🫶 Parabéns, familia!!! ... See MoreSee Less
Ver en Facebook

3 days ago

SD Compostela
✍️𝐌𝐚𝐧𝐞𝐥 𝐌𝐞𝐧é𝐧𝐝𝐞𝐳, novo adestrador da SD Compostela!!!💪 O técnico, coñecedor da categoría e con gran experiencia no fútbol profesional, chega ao Compos tras tres grandes campañas no Marino!!! ✍️ bit.ly/FichaxeManelCompos 💙 Benvido a Compostela, Manel!!! ... See MoreSee Less
Ver en Facebook

3 days ago

SD Compostela
🤝 Este semana visitamos aos nosos amigos de Clínica & akt para facerlle un agasallo polo bo trato e o coidado dos nosos xogadores!🙌 Por exemplo, o seu tratamento coa tecnoloxía Indiba Activ foi fundamental para acelerar a recuperación de Pato!🦶 Ademais, os seus estudos biomecánicos da pisada permiten aos nosos coidar a súa saúde!💙 Moitas grazas por seguir un ano máis ao noso carón!!! ... See MoreSee Less
Ver en Facebook

All contents © copyright SD Compostela. All rights reserved.