Pato Guillén: “Vimos de dous partidos moi bos, xogamos na casa, e temos ganas de gañar”

4 de Novembro de 2020
Pato vs Coruxo FC 1
  • O porteiro uruguaio destacou que agardan a un Guijuelo que veña a xogar de ti a ti, sen especular

Santiago de Compostela, a 4 de Novembro de 2020.

Despois de varios anos, Pato Guillén está de volta na Segunda B, unha reestrea na que xa deixou o seu sinal, con dous partidos sen encaixar. Precisamente, neses encontros, nos que o equipo sumou os primeiros puntos da tempada, o porteiro uruguaio viu a un gran Compos, nunha liña a seguir para facer un gran ano.

“Vimos de dous empates nos que o equipo estivo moi ben e deixou boas sensacións, xogamos na casa, e temos ganas de gañar”, destacou o seteiro.

Para conseguilo, enfronte estará este sábado o CD Guijuelo, un conxunto adestrado polos irmáns Montes. “Esperamos un equipo que nos vai a querer quitar o balón, que vai querer ser protagonista, que ten bos xogadores e un adestrador que lle gusta xogar ao fútbol. Agardo un Guijuelo que veña a propoñer e que nos veña a xogar de ti a ti, sen especular”, analizou.

Lamentablemente, ao encontro non poderán asistir afeccionados compostelanistas, unha circunstancia que botan de menos os nosos. “Está claro que se fai raro xogar desta maneira, pero é o que nos toca e xa vemos que estamos nunha situación bastante crítica e agora mesmo prima a saúde e hai que acatar as decisións que toman os expertos”, declarou.

Sexa con ou sen público nas bancadas, Pato ve preparado ao equipo para competir na categoría. “Somos conscientes de que é un grupo difícil, con grandes equipos e xogadores, pero temos unha fortaleza grupal importante, coñecémonos moito, somos xente traballadora e estamos con moitísima ilusión e ganas de afrontar este ano. Non teño dúbida que imos competir, o que nos fará estar ao 120%, porque onde baixemos un pelín, por calidade, os rivais teñen pezas que poden resolver os partidos. Se estamos nesa liña creo que imos competir de maneira sobresaínte e facer un gran ano”, detallou ante os medios de comunicación.

Do mesmo xeito, Pato ten claro que os goles acabarán chegando. “O que nos está faltando é rematar eses achegamentos que tivemos. Chegamos ata ese último terzo con grandes opcións, pero faltounos ese último pase ou remate. Con todo, o importante é que se están xerando opcións e o gol xa virá”, sentenciou.

Pola súa banda, no aspecto defensivo, avala o traballo do corpo técnico para saber contrarrestar as fortalezas dos rivais. “Somos un equipo que pola nosa forma de xogar, en certas fases, expoñémonos bastante, pero tamén hai un traballo detrás no cal sabemos onde situarnos, tanto en ataque como en defensa. O ano pasado xa se viu que fomos o equipo menos goleado da categoría e este ano demostramos que somos un equipo sólido”, explicou.

Esa solidez defensiva será unha das claves da tempada, asegura, nun regreso á Segunda División B moi ilusionante para todos.

Youtube

Instagram Compos

Flickr Amadeo Rey

  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1

Instagram Canteira

Twitter Canteira

Facebook

2 days ago

SD Compostela
👏 @samurodriguez14, #JugadorCincoEstrellas da SD Compostela 23.24 🩵🤍🏆 O capitán, cos votos da afección en Twitter, foi elixido como o xogador máis destacado da tempada, logo de ser fundamental na segunda volta🤝 @futbolmahou 🍻 ... See MoreSee Less
Ver en Facebook

2 days ago

SD Compostela
Hoxe temos de aniversario ao noso míster 🩵🤍🎂 Moitos parabéns, Antón!🙌 Que veña un ano cheo de éxitos e que os desfrutemos xuntos! ... See MoreSee Less
Ver en Facebook

2 days ago

SD Compostela
Nova SEDE dos Campus Xacobeos! Prezo subvencionado para os empadroados en O Pino e Touro grazas ao noso patrocinador Proxecto Touro - Cobre San Rafael#CampusXacobeosOs 𝐦𝐞𝐥𝐥𝐨𝐫𝐞𝐬 𝐂𝐚𝐦𝐩𝐮𝐬, os do 𝐂𝐨𝐦𝐩𝐨𝐬 🩵🤍🙌🏻 Nova sede! Desta vez en 𝐓𝐨𝐮𝐫𝐨, do 8-19 de Xullo!🤝 Grazas a @cobresanrafael, os/as nenos/as empadroados en Touro e O Pino pagarán 30€ polas 2 semanas do #CampusXacobeos✍🏻 Inscríbete na ligazón da nosa bio! ... See MoreSee Less
Ver en Facebook

3 days ago

SD Compostela
Hoxe está de aniversario o noso capitán e candidato ao #JugadorCincoEstrellas, Samuel Rodriguez Noya 🩵🤍🎂 Moitos parabéns, Samu! ... See MoreSee Less
Ver en Facebook

All contents © copyright SD Compostela. All rights reserved.