O presidente da Real Federación Española de Fútbol, Luis Rubiales, visitou este pasado sábado o Estadio Verónica Boquete de San Lázaro con motivo da celebración do partido da xornada 6 de liga do Grupo 1 Subgrupo A entre a SD Compostela e o Pontevedra Cf.
Acompañado tamén de Rafael Louzán, presidente da Real Federación Galega de Fútbol, Rubiales vivenciou o gran derbi, pero tamén aproveitou a ocasión para deixar a súa firma no libro do club.
Do mesmo xeito, o club recibiu unha camiseta da Selección Española co ano de fundación. En agradecemento, o presidente Antonio Quinteiro regaloulle o libro do 50 Aniversario da SD Compostela.
Para o club, foi toda unha honra contar coa presenza do máximo dirixente do fútbol nacional no fortín e nun partido tan especial.
