-
A Academia de Estudos da SD Compostela está dirixida por Ángela Couso para nenos e nenas de 5 a 18 anos
Santiago de Compostela, a 8 de Decembro de 2020.
A primeira academia de estudos da Sociedade Deportiva Compostela xa é unha realidade. Situada nas Cancelas (Rúa das Cancelas, 111), o centro, que dirixe Ángela Couso, ofrece clases de reforzo de luns a venres para os nenos e nenas que o desexen.
Destinado a cativos de 5 a 18 anos, as clases están divididas en grupos reducidos para ofrecer reforzo en todas as materias de Primaria, ESO e Bacharelato. Ademais, haberá clases específicas de inglés para todas as idades.
O horario da Academia de Estudos da SD Compostela durante o curso escolar levaranse a cabo desde as 16.00 ás 21.00 horas (con adaptación aos adestramentos dos nenos e nenas).
Para inscribirse, todos aqueles que o desexen poden pedir máis información no teléfono 634 63 83 12 ou no correo electrónico academia@sdcompostela.com.
Os xogadores do club, fillos ou fillas de abonados ou abonadas do Compos, así como dos clubs conveniados, teñen un desconto especial nas cotas.
