-
O prezo, con entrada incluída, é de 55 euros e o prazo para inscribirse remata o xoves ás 13.00 horas
Santiago de Compostela, a 12 de novembro de 2021
Para que os nosos conten co maior apoio posible no partido do domingo próximo contra o CDA Navalcarnero, a SD Compostela organiza unha viaxe en autobús para os seus afeccionados, con saída á primeira hora da mañá e regreso á finalización do choque, previsto para as 16.30 horas no Estadio Mariano González. O prezo, coa entrada incluída, é de 55€.
A saída, dende Santiago, realizaríase ás 6.00 horas do domingo 21 de novembro, tendo a chegada prevista a Madrid ás 14.00 horas.
O prazo para anotarse no bus está aberto ata este xoves 18 de novembro ás 13.00 horas nas Oficinas do Club, sendo necesario chegar a un número mínimo para realizar a expedición. En todo caso, informarase aos interesados en todo momento polas redes sociais e a través das peñas.
