Santiago de Compostela, 20 de xullo de 2022
Hoxe estiveron no I Campus do Pino os xogadores do primeiro equipo Samu e Mario, participando nas actividades dos máis de sesenta nenos e nenas rexistrados, así como contestando as súas preguntas.
Xunto a eles, que participaron tras o adestramento matinal desta xornada de pretemporada, tamén estiveron presentes José Ramón Puga, técnico de Deportes de Touro; Eva Varela, concelleiro de Cultura do Pino; Antonio Varela, presidente da SD O Pino; e Pablo Núñez, de Cobres San Rafael.
Dentro da quinta semana de Campus Xacobeos, as actividades están a levarse a cabo en Negreira, na súa segunda edición, e na citada cita do Pino. O primeiro deles está patrocinado por Rede Aberta, mentres que o segundo por Cobres San Rafael, quen regalou a inscrición para todos os nenos e nenas de Touro e O Pino.
Séguese así con todas as sedes previstas, superando amplamente os 300 inscritos entre todos os lugares. Por diante, queda o I Campus de San Vicente do Grove, do 8 ao 12 de agosto. Como ata o de agora, as solicitudes pódense cubrir na web do club ou directamente na ligazón https://bit.ly/InscricionCampusXacobeos.
Así mesmo, para resolver calquera dúbida ou para solicitar máis información, ponse a disposición o citado e-mail, así como o número de teléfono 626 063 705 (Manu Otero).
Os prezos por semana varían en función das distintas modalidades. A tarifa xeral será de 140€; para abonados ou fillos de abonados dos clubs organizadores, 125€; para os xogadores da base do Compos e dos clubs organizadores, 90€; e para irmáns de rexistrados, 70€.
En todos eles, a organización non sería posible sen a axuda das empresas colaboradoras, ás cales a Fundación SD Compostela agradece o seu apoio: Rede Aberta, Gadis, Galifresh, Augas de Sousas, Xacobeo 21-22, Xunta de Galicia e Segundo Rey.
