Santiago de Compostela, 25 de agosto de 2022
Antonio Salado non continuará na SD Compostela a próxima tempada. O lateral zurdo deixa o club tras defender a camiseta branquiazul a pasada campaña.
Salado, fichado o pasado verán procedente do Portugalete, asinou unha tempada en terras galegas con 32 partidos xogados, vinte e dous como titular, nos que ademais marcou un gol. O futbolista vasco asentouse no carril zurdo da zaga compostelanista, demostrando un gran carácter e compromiso na súa nova demarcación.
A SD Compostela quere agradecerlle o seu traballo, dedicación e esforzo durante este ano vestindo a camiseta branquiazul, desexándolle o maior dos éxitos para o seu futuro.
Moitas grazas e moita sorte, Toni!
