Fabiano: “Vexo que os adestramentos son bos e son optimista para este domingo”

30 de Setembro de 2022
  • O Compos visita este domingo ao Zamora co obxectivo de recuperar sensacións e sumar os tres puntos

Santiago de Compostela, 30 de setembro de 2022

A SD Compostela viaxa este domingo a Zamora cun dobre obxectivo, recuperar sensacións tras o tropezo na casa e volver sumar os tres puntos na Liga. Os nosos enfrontaranse a un vello coñecido, Yago Iglesias, nun duelo que promete emocións fortes. Con confianza no traballo semanal, Fabiano espera un Compos mellor que o domingo pasado para conseguir o triunfo no Ruta de la Plata.

Estado do plantel. Máis que recuperar, igual perdo algún xogador, pero teño esperanza de que mañá, as dúbidas que teña por lesión, se recuperen e poida contar con eles para o banco. Temos problemas, pero non imos estar a chorar polos que non están. Faremos un equipo forte para competir contra o Zamora.

Allyson. A semana pasada estaba coxo aínda, esta semana adestrou dous días aceptables e haberá que esperar a mañá para ver que as dores non volven, e así poderá ser da partida ou ir convocado.

Cambio respecto á semana pasada. Estaba enfadado porque un rival con medio ataque gáñache, despois de ter varias ocasións claras, e perder a ninguén lle gusta. Máis que nada hai que tentar facer un once forte. Polas baixas, por necesidade ou por crenza miña, haberá cambios, pero estou contento, porque o equipo adestra ben e xoga ben, aínda que ás veces se desconecta do partido e levas gol, pero os rapaces son xogadores moi correctos e con calidade. Estou contento, vexo que os adestramentos son bos e son optimista.

O Zamora. Un rival difícil, como todos. Eles tamén esperarán un Compostela difícil. Será un rival que está formado para ascender, pero a competición está a iniciarse. O ano pasado xa vimos o exemplo do Pontevedra, como empezou e como acabou. O Zamora está a dar as últimas pinceladas para axustalas, é moi forte, sobre todo na súa casa, e haberá que facer un duro traballo para sacar os puntos de alí.

Partido en Carballo. Fixeron moitos cambios para o partido, polo que algúns xogadores tiveron poucos minutos. O importante somos nós, a nosa actitude, porque con balón somos moi bos e dá gusto vernos, polo que non podemos estar desconectados. Estivemos a tocar a tecla para estar máis atentos e vivos sen balón e estamos a asimilar eses toques, polo que estou contento, porque o plantel é moi bo. Son bos futbolistas, loxicamente, sen esas desconexións estarían en Primeira División, pero temos xente moi boa e se conseguimos inculcalos deste pequeno fallo que teñen algúns, podemos ser un equipo moi forte na categoría.

Yago Iglesias. Persoalmente, non o coñezo. En todo caso, creo que será un partido máis, con ambos con necesidade de puntos e temos que traballar para iso. Facendo as cousas ben, ás veces non é suficiente, pero é mellor que veñan con ganas para meterse no partido antes, para ver un partido aberto e que gañe quen sexa o mellor. É normal que estando aquí tantos anos nos queira gañar e o mesmo para os nosos xogadores, que enfrontarse a Yago sexa unha motivación extra. En todo caso, espero que a motivación sexa sempre, por vestir esta camiseta.

Un campo ideal para xogar. Estamos a tentar facer iso desde que cheguei. Nos partidos de fóra xogamos ben, controlamos e tivemos oportunidades e este non será diferente. Se o contrario non che deixa, é outra cousa, pero o Compostela sempre será valente nesta categoría. Imos co mesmo propósito de tentar atacar, ás veces consegues máis ataques porque o rival deféndese máis, e noutros o rival tamén che esixe a repregarte. Será un partido bonito, con dous equipos que propoñen xogo e a ver se somos quen de gañalo.

Youtube

Instagram Compos

Flickr Amadeo Rey

  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1

Instagram Canteira

Twitter Canteira

Facebook

23 hours ago

SD Compostela
⌚️ Abril comezará cun derbi para os nosos en terras viguesas ⚽️ X30🆚 CORUXO F.C. 🗓️ 07.04.24⏰ 12.00🏟️ O Vao#CoruxoCompos ... See MoreSee Less
Ver en Facebook

2 days ago

SD Compostela
🎙️ 𝐑𝐝𝐏 | Antón Permuy e Samu🗣️ O adestrador e capitán da SD Compostela analizaron o momento do equipo e o duelo ante o CD Guijuelo do domingo📸 Acompañounos Mónica Pereiro, da Clínica & akt, patrocinadora do encontro#ComposGuijuelo ... See MoreSee Less
Ver en Facebook

3 days ago

SD Compostela
🤝 Roque e Escoruela tiveron a pasada semana un encontro con 220 alumnos do CPI Colexio Nosa Señora do Rosario de Arzúa🩵🤍 Na visita, enmarcada nas actividades de promoción do deporte do noso patrocinador Proxecto Touro - Cobre San Rafael, entregaron invitacións para o duelo contra o CD Guijuelo e tiveron unha entretida charla cos cativos#composguijuelo ... See MoreSee Less
Ver en Facebook

3 days ago

SD Compostela
𝐏𝐀𝐑𝐓𝐄 𝐌É𝐃𝐈𝐂𝐎 👉 Euse foi operado onte da súa rotura do ligamento cruzado anterior do xeonllo dereito💪 Moito ánimo, Euse! Volverás máis forte, estamos seguros! Un día menos para volver! ... See MoreSee Less
Ver en Facebook

4 days ago

SD Compostela
Hoxe está de aniversario Juampa 🩵🤍🎂 Moitos parabéns! Oxalá que veña acompañado este domingo desa vitoria tan necesaria que todos estamos desexando! 🙌 ... See MoreSee Less
Ver en Facebook

All contents © copyright SD Compostela. All rights reserved.