- O establecemento da SD Compostela está adherido á Campaña da Xunta de Galicia
- Xa se poden descargar e utilizar
Santiago de Compostela, 26 de outubro de 2022
A Tenda Oficial da SD Compostela forma parte da Campaña da Xunta de Galicia para reactivar o comercio local. Desde este pasado luns xa se poden descargar os Bonos Activa Comercio e utilizalos en todos os produtos do establecemento situado na Rúa da Raíña. Ademais, nesta edición, os descontos directos alcanzan os 15€.
A principal novidade este ano da campaña é que se amplían os tramos de desconto e os importes. Así, o desconto é de 5 euros para compras a partir de 20 euros e inferiores a 30 euros; 10 euros para compras desde 30 euros e inferiores a 50; e de 15 euros se superan os 50 euros de compra.
Deste xeito, por exemplo, os clientes que teñan esta aplicación poderán comprar a camiseta da primeira equipación do Compos por 44 euros.
En total, o ente autonómico destina 5 millóns de euros a esta campaña coa previsión de mobilizar 17 millóns en compras en comercios de proximidade de toda Galicia.
