Sexta vitoria seguida para pechar o ano no Vero Boquete

11 de Decembro de 2022
Celebración Equipo Gol Jordan vs Valladolid
Celebración Equipo Vitoria vs Valladolid
Celebración Mario vs Valladolid
  • O Compos superou ao Valladolid Promesas por 2-0 con dous golazos de Jordan e Mario

Santiago de Compostela, 11 de decembro de 2022

A SD Compostela está de doce. Nun novo partidazo, dominando de principio a fin, os nosos sumaron a sexta vitoria consecutiva, outro tres puntos moi importantes, contra un rival de playoff e coa portaría a cero. Con estes dezaoito puntos, o Compos aséntase na zona alta e pecha o ano no Vero Boquete da mellor maneira.

Tras unha primeira parte con varios achegamentos perigosos e un inicio da segunda igual, o tanto acabou chegando para o Compos, no 58, nunha xogada excelsa, con caneo de Damián, asistencia de Mario e picada de Jordan á rede. E con vantaxe, o segundo chegou, no 77, con outra marabilla de Mario Rodríguez, cun disparo á escuadra.

Cos mesmos protagonistas que en Palencia, a SD Compostela quería pechar o ano en casa da mellor maneira, con outro triunfo, o que sería o sexto consecutivo, que ao final acabou chegando. Ben asentados de arranque, as ocasións comezaron a acumularse na área rival, aínda que sen terminar de culminalas.

Tívoa Mario, no 17, pero cortou ao límite Kike Ríos. De novo o atacante catalán, sete máis tarde, probouno coa destra, pero cazouna abaixo o porteiro. E a seguir, esta vez puxo a asistencia, pero Fer non conseguiu orientar o remate a portaría.

Sen recibir perigo atrás, noutro tirón branquiazul, na recta final da primeira metade, Jordan tería unha dobre opción. Primeiro, rematando de cabeza un centro de Darío, que golpeou nun defensor. E no 40, desde a frontal, tentouno cun disparo potente, pero escapouse por pouco.

Por iso, sen fortuna de cara á porta, a contenda chegou ao intermedio coa igualada inicial, 0-0. Con todo, conscientes do gran xogo, o partido arrincou tralo parón do descanso da mesma maneira, cun Compos dominador.

Tentárono os nosos con dúas accións de rexeites de balóns parado, con dúas voleas de Jordan e Roque, consecutivas, que se escaparon por lixeiros centímetros.

O encontro estaba orientado cara á meta dos valisoletanos e o premio acabou chegando, no 58. Damián, pechado en tres cuartos de campo, sacouse un caneo impresionante para irse de tres rivais, serviuna para un Mario Rodríguez que fixou aos defensas e picouna para a entrada de Jordan, quen lanzou unha vaselina excelsa para superar a Yari e que a pelota acabase no fondo da rede. Golazo e 1-0.

Con vantaxe no luminoso e a pesar dos cambios visitantes, o Compos seguiu ao seu, sen conceder atrás e buscando o segundo da tarde en canto tiña ocasión. Tentouno Mario, moi activo outra vez, desde o centro do campo, pero Yari salvouna baixo a liña.

Con todo, o atacante compostelanista, trala asistencia previa, atoparía o seu premio, no 77, no que era o seu primeiro tanto no Vero Boquete, e tremendo golazo. Roubo en campo contrario, condución a gran velocidade e golpeo á escuadra afastada, imparable para o porteiro, 2-0.

Con vantaxe dobre no marcador e renovando as pernas sobre o verde, os nosos non sufriron ningún perigo e mantiveron os tres puntos a bo recado. Ben asentados atrás, xa van cinco partidos e medio sen encaixar.

Por tanto, co 2-0 final, o obxectivo cumpriuse e o Compos sumou o seu sexto triunfo consecutivo, un gran logro que lle permite seguir asentado en postos de playoff de ascenso. Agora, tentarase a sétima na visita ao Laredo, no peche do 2022.

FICHA TÉCNICA

2- SD COMPOSTELA: Pato; Riki Mangana, Álvaro Casas, Pablo Crespo, Damián (Martín, m.87); Pablo Antas, Roque, Fer Beltrán, Jordan (Parapar, m.82); Mario Rodríguez (Cano, m.82) e Darío (Samu, m.82).

0- REAL VALLADOLID PROMESAS: Yari; Koke (Iker Pérez, m.72), Adri Gómez, Kike Ríos, Garriel; Mario Maroto (Quintana, m.62); Chuki (Carrión, m.72), Fran Rivera (Fran López, m.62), Pozo (Frimpong, m.83); Cédric e Slavy.

GOLES: 1-0: Jordan, min.58; 2-0: Mario Rodríguez, min.77.

ÁRBITRO: Crespo Ponte (Cantabria). Amoestou a Kike Ríos, Fran Rivera, Chuki, Fran López e Garriel, polo Valladolid.

INCIDENCIAS: Estadio Verónica Boquete de San Lázaro (Santiago de Compostela). Xornada 14 do Grupo 1 da Segunda RFEF disputado ante 1.200 espectadores.

Youtube

Instagram Compos

Flickr Amadeo Rey

  • COMPOSTELA- 2 PONTEVEDRA- 2
  • COMPOSTELA- 2 PONTEVEDRA- 2
  • COMPOSTELA- 2 PONTEVEDRA- 2
  • COMPOSTELA- 2 PONTEVEDRA- 2
  • COMPOSTELA- 2 PONTEVEDRA- 2
  • COMPOSTELA- 2 PONTEVEDRA- 2

Instagram Canteira

Twitter Canteira

Facebook

17 hours ago

SD Compostela
🎙️ 𝐑𝐝𝐏 | Pablo Antas 🗣️ O mediocentro tamén falou na previa á visita ao Real Oviedo Vetusta⚽️ O capitán, que volve ao equipo tras sanción, remarcou a necesidade de sumar, tras moito tempo, unha vitoria coma visitantes#VetustaCompos ... See MoreSee Less
Ver en Facebook

19 hours ago

SD Compostela
🎙️ 𝐑𝐝𝐏 | Antón Permuy🗣️ PREVIA antes da visita ao Real Oviedo Vetusta, este sábado, ás 16.00 horas, no Requexón⚽️ O técnico destaca a melloría do equipo e centra o foco en conseguir a vitoria en terras asturianas#VetustaCompos ... See MoreSee Less
Ver en Facebook

4 days ago

SD Compostela
Este sábado, en Oviedo, só vale gañar para poder seguir na pelexa! 🩵🤍🆚 Real Oviedo Vetusta🗓️ 20.04.24⏰ 16.00🏟️ El Requexón 📺 www.youtube.com/@realoviedo#VetustaCompos ... See MoreSee Less
Ver en Facebook

4 days ago

SD Compostela
🗓️ 𝐏𝐋𝐀𝐍 𝐃𝐄 𝐓𝐑𝐀𝐁𝐀𝐋𝐋𝐎⚒️ Tralo gran esforzo de onte, os nosos regresan esta mañá ao traballo centrados no seguinte obxectivo, conseguir a vitoria ante o Real Oviedo Vetusta#VetustaCompos ... See MoreSee Less
Ver en Facebook

All contents © copyright SD Compostela. All rights reserved.