- Súbete ao bus do Compos grazas ao apoio de cinco establecementos de hostalería: Ou’42, Ou Gato Negro, San Jaime, Sexto II e Ventosela
- Sairá desde o Vero Boquete ás 10.00 horas e regresará ao finalizar o partido
Santiago de Compostela, 1 de marzo de 2023
Nova promoción para os abonad@s da SD Compostela: viaxa gratis a Vigo para apoiar aos nosos no derbi contra o Coruxo. O club pon ao dispor dos seguidores branquiazuis un autobús, que sairá desde o Estadio Verónica Boquete ás 10.00 horas e regresará ao finalizar o partido. Para inscribirse, faino na seguinte ligazón: https://bit.ly/SubeteBusCompos.
O desprazamento será gratuíto grazas ao apoio de cinco establecementos de hostalería de referencia da cidade, todos eles colaboradores do club: O’42, O Gato Negro, Restaurante San Jaime, Restaurante Sexto II e Ventosela.
Para reservar a túa praza no autobús tan só tes que cubrir os teus datos no formulario arriba indicado. Automaticamente asignaráseche un asento no autocar.
Poñerase ao dispor dos abonados un autobús de 55 prazas, por tanto, será imprescindible que os interesados na viaxe realicen a súa reserva canto antes. No caso de encherse este primeiro vehículo, valoraríase a opción de utilizar un segundo autocar, en función do número de reservas realizadas.
A viaxe non incluirá a entrada ao Estadio do Vao. Esta pódese adquirir por dous medios. A través da plataforma de venda de entradas https://coruxofc.acyti.com/ (hai que rexistrarse e seleccionar o partido), a forma máis recomendada. Ou ben o propio día, nos despachos de billetes do campo. O prezo para adultos é de 15€ e para menores de idade de 5€.
Súbete ao bus do Compos e ven a animar aos nosos neste derbi crucial para seguir pelexando por todo. Necesitamos o teu apoio. Esperámoste: https://bit.ly/SubeteBusCompos.
