-
Riki Mangana amplía o seu contrato ata 2024 e completa así a parcela defensiva do equipo
Santiago de Compostela, 7 de xullo de 2023
Riki Mangana seguirá un ano máis defendendo a camiseta da SD Compostela. O lateral destro, tras unha gran campaña, renova o seu contrato ata 2024. Desta forma, o Compos completa a súa defensa para a Tempada 23.24, na que pelexará por ascender á Primeira RFEF.
Riki Mangana foi un dos xogadores con maior protagonismo durante o pasado curso. A pesar de que chegou xa iniciada a pretempada, asentouse rapidamente no once branquiazul, xa desde o inicio. Así, disputou todos os encontros de Liga e do playoff, partindo sempre de inicio, salvo en tres ocasiones. En total, nos 36 encontros disputados, 26 deles completos, acumulou 2.873 minutos de xogo.
Durante todo o ano, Riki demostrou as súas calidades defensivas, así como a súa capacidade para proxectarse en ataque, chegando ata liña de fondo e mesmo percutindo na área. Nesa faceta, finalizou a tempada con dúas asistencias. E, ademais, tamén mostrou a súa polivalencia para adaptarse a ambos laterais, xogando en ocasións pola banda esquerda.
Por tanto, o mozo vigués, cunha ampla experiencia na Segunda B, seguirá achegando experiencia e poderío físico ao equipo, subindo a banda do Vero Boquete en continuas ocasións.
Coa súa renovación, a SD Compostela dispón xa de 18 xogadores con contrato en vigor para a próxima campaña: Pato, Borja Rey, Riki Mangana, David Soto, Álvaro Casas, Kike, Pablo Crespo, Damián, Martín, Antón de Vicente, Pablo Antas, Fer Beltrán, Jordan Domínguez, Jaime Santos, Pep Caballé, Elliot, Parapar e Manu Barreiro.
