-
Os branquiazuis mereceron máis, pero o Avilés foi moi efectivo nas súas aproximacións
Santiago de Compostela, 17 de decembro de 2023
A SD Compostela volveu sen carga de Avilés na despedida do ano. O conxunto branquiazul caeu 2-1 ante o Real Avilés Industrial, nun duelo no que mereceu mellor premio. A puntería local, aproveitando dúas imprecisións branquiazuis, marcou un duelo no que Manu Barreiro anotou o tanto compostelanista. Un disparo á cruceta de Juampa, na primeira parte; e un remate coa testa do pichichi branquiazul sacado sobre a liña por un defensor, na segunda; puideron modificar o marcador en favor dos nosos, pero non houbo fortuna.
Agora, toca descansar, recargar as pilas e afrontar, desde a sexta posición e a dous puntos do playoff, un estimulante 2024. Vémonos o 7 de xaneiro no Estadio Verónica Boquete de San Lázaro.
FICHA TÉCNICA
2 – REAL AVILÉS INDUSTRIAL: Álvaro Fernández; Néstor Senra (Trabanco, m.46), Pedro Orfila, Jesús del Amo, Serrano; Edu Cortina, Mercerreyes; Natalio (Espina, m.70), Davo Fernández (Alorda, m.70), Jorge (Joel del Pino, m.87); e Isma Cerro (Julio Rodríguez, m.77).
1 – SD COMPOSTELA: Pato Guillén; Jaime Santos, David Soto, Kike, Euse; Antón de Vicente (Pep Caballé, m.62), Álvaro Casas; Parapar, Juampa, Hugo Matos; e Manu Barreiro.
GOLES: 1-0: Isma Cerro, min.19; 1-1: Manu Barreiro, min.59; 2-1: Natalio, min.69.
ÁRBITRO: García Presa (Castela e León). Amoestou a Néstor Senra, Edu Cortina e Davo Fernández, polo Avilés; e a Juampa, polo Compos.
INCIDENCIAS: Estadio Román Suárez Puerta (Avilés). Xornada 16 do Grupo 1 da Segunda RFEF disputado ante 2.289 espectadores.
