A SD Compostela e HM Hospitales renovan o seu convenio

15 de Decembro de 2023
Firma do acordo entre a SD Compostela e HM Hospitales, esta mañá, no Estadio Verónica Boquete de San Lázaro
Rafael Silva, de HM Hospitales; e Miguel Fernández, da SD Compostela; no acto de firma
  • O Compos e HM Hospitales volveron selar o seu compromiso de colaboración para a tempada 23.24

Santiago de Compostela, 15 de decembro de 2023

A SD Compostela e HM Hospitales renovaron esta mañá o seu acordo de patrocinio para a tempada 23.24. O acto, que tivo lugar no Estadio Verónica Boquete de San Lázaro, contou coa presenza do director de Relacións Institucionais de HM Hospitales en Galicia, Rafael Silva; o xerente do club, Miguel Fernández; e o adestrador, Michel Alonso.

Durante o encontro, o directivo de HM Hospitales aproveitou para desexarlle éxitos ao equipo compostelán para esta tempada e asegurou que “este convenio é unha mostra do noso compromiso cos proxectos locais para fortalecer os lazos coa sociedade compostelá”. Rafael Silva asegurou que “como hospital comprometido co coidado dos nosos pacientes e a promoción dun estilo de vida saudable, cremos que o deporte é fundamental no benestar das persoas”.

Pola súa banda, desde o club tamén mostraron a súa satisfacción coa renovación do acordo por unha nova tempada. “Estamos moi contentos de volver unir forzas co grupo HM Hospitales para traballar xuntos, é unha boa oportunidade para promover a saúde e o benestar en todos os ámbitos”, sinalou Miguel Fernández. “É un orgullo contar con este apoio que nos brindan ano tras ano”, concluíu.

“O acordo co club é unha colaboración que se basea nos valores compartidos entre ambas entidades”, sinalou o adestrador, Michel Alonso. Desta forma, HM Hospitales será o encargado de ofrecer os servizos médicos e a atención integral dos xogadores do club deportivo, “brindando unha atención médica de calidade e apoio na prevención e recuperación dos xogadores”, sinalou Rafael Silva.

Con este acordo, HM Hospitales mantén o seu compromiso co deporte local de Santiago de Compostela.

 

HM Hospitales

HM Hospitales é o Grupo hospitalario privado de referencia a nivel nacional, baseando a súa oferta na excelencia asistencial sumada á investigación, a docencia, a constante innovación tecnolóxica e a publicación de resultados.

Dirixido por médicos e con capital 100% español, conta na actualidade con máis de 6.500 profesionais que concentran os seus esforzos en ofrecer unha medicina de calidade e innovadora centrada no coidado da saúde e o benestar dos seus pacientes e familiares.

HM Hospitales está formado por 48 centros asistenciais: 21 hospitais, 3 centros integrais de alta especialización en Oncoloxía, Cardioloxía, Neurociencias, 3 centros especializados en Medicina da Reprodución, Saúde Ocular e Saúde Bucodental, ademais de 21 policlínicos. Todos eles traballan de maneira coordinada para ofrecer unha xestión integral das necesidades e requirimentos dos seus pacientes.

Actualmente, HM Hospitales en Galicia dispón 4 hospitais con máis de 250 camas e 23 quirófanos que responden a todas as especialidades médicas e cirúrxicas, e conta coa máis avanzada tecnoloxía de diagnóstico por imaxe. Destacan a UCI de adultos e neonatal, os servizos de urxencias 24 horas e urxencias pediátricas, a medicina nuclear e HM Fertility Center, entre outros. Estes recursos veñen sumarse aos do resto do grupo no conxunto de España, todos eles coa maior cualificación técnica e humana.

Youtube

Instagram Compos

Flickr Amadeo Rey

  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1

Instagram Canteira

Twitter Canteira

Facebook

12 hours ago

SD Compostela
🧑‍⚕️Os xogadores do Compos pasaron o protocolario recoñecemento médico, antes da pretempada, en HM Rosaleda🤝 Unha tempada máis, seguimos nas mellores mans con @hmhospitales#PretempadaCompos ... See MoreSee Less
Ver en Facebook

2 days ago

SD Compostela
𝐏𝐑𝐄𝐓𝐄𝐌𝐏𝐀𝐃𝐀 𝟐𝟒.𝟐𝟓 💪 Primeiro día completado 🆕️ Primeiro día para as novas fichaxes nuns adestramentos estivais con gran presenza da Canteira Picheleira 👨‍🏫 Con Antón Permuy ao mando, iniciamos 7 semanas de preparación para a liga #PretempadaCompos ... See MoreSee Less
Ver en Facebook

2 days ago

SD Compostela
𝐏𝐑𝐄𝐓𝐄𝐌𝐏𝐀𝐃𝐀 𝟐𝟒.𝟐𝟓 Estamos de volta! 💪⚽️ Primeiro día de adestramentos en marcha#PretempadaCompos ... See MoreSee Less
Ver en Facebook

2 days ago

SD Compostela
🙌 𝐅𝐈𝐂𝐇𝐀𝐗𝐄 🩵🤍💪 Iago Domínguez, novo porteiro da SD Compostela para a Tempada 24/25⚽️ O talentoso meta vigués de 22 anos chega desde o Club Deportivo Mirandes 𝐈𝐚𝐠𝐨 𝐃𝐨𝐦𝐢𝐧𝐠𝐮𝐞𝐳 🩵🤍✍️ sdcompostela.com/2024/07/16/iago-dominguez-fichaje-compos-portero/#benvidoiago ... See MoreSee Less
Ver en Facebook

All contents © copyright SD Compostela. All rights reserved.