-
A Campaña de Abonos “Quérote Compos” de Media Tempada inclúe toda a segunda volta e o último partido da Primeira, o próximo 15 de decembro
-
Pódense realizar na Tenda, na Oficina ou online, na seguinte ligazón: Abónate aquí
Santiago de Compostela, 2 de decembro de 2024
Co obxectivo de chegar aos 3.000 abonados, a SD Compostela lanza xa a Campaña de Abonos de Media Tempada. “Quérote Compos” destaca polos seus prezos incribles e por incluír dez partidos (os 9 da Segunda Volta e o último da Primeira). Condicións exclusivas para seguir incrementando as cifras de récord de abonos desta campaña (actualmente: 2.780).
Os abonos xa se poden realizar, coma sempre, na Tenda Oficial, na Oficina e, sobre todo, Online, a través da seguinte ligazón: sdcompostela.compralaentrada.com.
Desde a SD Compostela animan a todas aquelas persoas que aínda non se abonaron a facelo agora, aproveitando a Campaña. E é que o apoio da afección foi fundamental nesta primeira volta para recuperar os bos resultados. Ademais, xuntos vivimos grandes noites, como a da Copa do Rei. con 7.400 persoas no Vero Boquete.
Prezos exclusivos, desde 1€ por partido con Carné Xove ata os 8€ para a categoría xeral.
Con esa imaxe nas nosas retinas, a Campaña de Abonos de Media Tempada apela a recuperar a eses afeccionados que teñen o sentimento compostelanista gardado no seu corazón. E busca ese obxectivo cuns prezos incribles, iguais tanto para Tribuna como para Preferencia:
Menores de 16 anos: Gratis
Carné Xove: 10€ (1€ x partido)
17-30 anos sen Carné Xove: 40€ (4€ x partido)
31-65 Anos: 80€ (8€ x partido)
Maiores de 65: 70€ (7€ x partido)
Ademais, o Abono do Compos inclúe un desconto do 20% na compra de entradas para cada partido, a reserva de asento gratuíta, descontos do 10% en todo o merchandising ou o acceso aos partidos do Xuvenil A de División de Honra.
Así mesmo, de facelo antes do 15 de decembro, poderase gozar do último encontro da Primeira Volta, un auténtico partidazo contra o Real Ávila, actualmente terceiro clasificado da liga.
Por outra banda, do mesmo xeito que na primeira volta, o Carné Físico (entrégase na Oficina ou na Tenda), que se acompaña do agasallo da camiseta da Campaña “Quérote Compos”, ten un custo de 10€.
Estas condicións especiais son posibles grazas ao apoio dos patrocinadores da Campaña de Abonos: Consellería de Cultura, Lingua e Xuventude da Xunta de Galicia, Abanca, Centro Comercial As Cancelas e Plexus Tech.
Características Carné Xove.
Cabe destacar que para os prezos especiais co Carné Xove non haberá necesidade de cumprir un mínimo de partidos; así como lembrar que a activación do Carné Xove é totalmente gratuíta e que se pode realizar tanto online (PLATAFORMA ALTA CARNÉ XOVE) como nas 36 sedes que hai dispoñibles por toda Galicia.
