-
Os branquiazuis, no debut de Luisito, mereceron gañar, pero a mala sorte cebouse co equipo
Santiago de Compostela, 9 de marzo de 2025
O Compos cedeu un empate no último segundo nun partido no que mereceu mellor sorte, pero caeu presa da solidez nas áreas. Un punto que sabe a pouco despois dun partido no que os nosos acumularon infinidade de ocasións para sentenciar.
No debut de Luisito na casa, Manu Rivas, na primeira metade, marcou o gol do Compos, despois de aproveitar un servizo perfecto desde a dereita de Roque. O tanto sentou ben ao equipo, que puido ampliar vantaxe xa na primeira parte, especialmente nas botas de Hugo Matos, Manu Barreiro e Markitos.
Na segunda metade, saíndo á contra, os nosos tamén tiveron as súas, pero todas as ocasións foron desbaratadas polos visitantes. Unha chegada ao segundo pau do canteirán Iker Gil, que volveu xogar co primeiro equipo, e un testarazo de Landeira en área pequena, que desbaratou baixo paus Álvaro, foron as mellores.
Con todo, a falta de acerto permitiu ao Avilés seguir metido no encontro e aproveitaríao no desconto. Primeiro, nun córner, Rabanillo sacou unha gran man. E na última acción do partido, tras un saque de banda rápido, Cueto impúxose por arriba á defensa e puxo o fatídico empate.
FICHA TÉCNICA
1 – SD COMPOSTELA: Rabanillo; David Soto, Álvaro Casas, Ocaña (Pablo Antas, min.40); Roque, Selasi, Samu, Manu Rivas; Hugo Matos (Landeira, min.69), Markitos (Carlos Pérez, min.78); e Manu Barreiro (Iker Gil, min.78).
1 – REAL AVILÉS INDUSTRIAL: Álvaro; J.A. Soler, Jose Martínez, J.C. Babin, Víctor (Osky, min.79); Gete (Mecerreyes, min.83); Isi Ros (Momoh, min.83), Kevin Bautista, Javi Cueto, Nico (Davo, min.60); e Santamaría (Natalio, min.79).
GOLES: 1-0: Manu Rivas, min.21; 1-1: Javi Cueto, min.90+5.
ÁRBITRO: Tome Alonso (Canario). Amoestou a Manu Barreiro, Manu Rivas, Ocaña, Samu, Rabanillo, Pablo Antas e Roque, polo Compos; e a Jose Martínez, polo Real Avilés Industrial.
INCIDENCIAS: Estadio Verónica Boquete de San Lázaro (Santiago de Compostela). Xornada 26 do Grupo 1 da Segunda RFEF disputado ante 1.050 espectadores.
