Hoxe é un día difícil para toda a familia da SD Compostela.
Tras confirmarse o descenso, queremos dirixirnos aos nosos abonados, patrocinadores e afeccionados para trasladarvos unha mensaxe de compromiso, responsabilidade e confianza.
Os resultados desta tempada estiveron moi lonxe dos que todos agardábamos e é por iso que compartimos a vosa tristura e frustración. Queremos darvos as grazas tamén polo voso apoio ao club nestes momentos tan duros.
Este descenso representa un golpe para o noso proxecto, pero non muda a nosa convicción nin a nosa determinación de seguir adiante. Desde hoxe mesmo estamos a traballar con firmeza para afrontar o reto de recuperar a categoría, ao tempo que reforzamos as bases que nos permitan medrar con solidez e estabilidade a longo prazo.
Sempre nas boas, sempre nas malas. Sempre Compostela.
Forza Compos!
