-
Os nosos conseguiron unha importante vitoria 0-1 en Elviña Grande para sumar o seu segundo triunfo seguido
Santiago de Compostela, 13 de decembro de 2025
Un golazo de Samu desde a frontal da área permitiu ao Compos sumar unha importante vitoria en Elviña Grande, 0-1. Os nosos superaron a un Atlético Coruña Montañeiros que chegaba en gran momento, sumando tres puntos vitais para afianzar o seu liderado na clasificación. Ademais, segundo triunfo e segunda portería a cero consecutivas.
O duelo en Elviña decidiuse na primeira parte. Comezaron mellor os locais, pero aos poucos foron gañando metros os nosos ata acabar atopando o premio. Nunha boa acción de ataque, Armental puxo a asistencia rasa para a chegada de Samu e o capitán empalou de primeiras un furón que se coou por toda a escuadra. Unha obra arte para selar o seu segundo gol da campaña.
Con vantaxe no marcador, o Compos tivo máis aproximacións de perigo, pero non chegou a acertar en ningunha delas. Entre as máis claras, unha chegada desde segunda liña de Goris, na primeira parte, e un man a man de Paparar, na segunda.
Sen acerto arriba, pero moi seguros atrás, cun Álex Cobo de novo imperial, os nosos souberon gardar o resultado e a vitoria veu de Elviña para Santiago.
Con estes tres puntos, o Compos é máis líder e encara o último partido do ano, o vindeiro sábado ás 19:00 horas no Vero Boquete contra o Somozas, no máis alto da táboa.
FICHA TÉCNICA
0 – ATLÉTICO CORUÑA MONTAÑEIROS CF: Marcos Moreno; Achore, Samu Rey, Iago López, Barbolla; Balsa (Diego Rodríguez, min.66), Unai (Nano Varela, min.79); Ogando (Álex Suárez, min.66), Dani Fernández (Juan de Dora, min.79), Cano (Otero, min.61); e Pape.
1 – SD COMPOSTELA: Álex Cobo, Valín, Pablo Crespo, Damián Noya; Diego Uzal, Samu, Goris (Quico, min.71); Parapar (Cañi, min.83); Antón Guisande, Adrián Armental (Aarón Martínez, min.71); e Maceira (Carlos López, min.83).
GOLES: 0-1: Samu, min.32.
ÁRBITRO: Adam Rodríguez (Ourense). Expulsou a César Caamaño (no banco), por protestar. Amoestou a Ogando, polo Atlético Coruña; e a Adrián Armental, Secho (no banco), Parapar, Antón Guisande e Carlos López, polo Compos.
INCIDENCIAS: Campo de Fútbol de Elviña Grande (A Coruña). Xornada 14 de Liga do Grupo 1 da Terceira RFEF. Importante presenza de afeccionados chegados desde Santiago de Compostela.
